Gobiernu del Principau d'Asturies

Asturies, muncho más cerca

Tas en

Asturias.es Temes Salú L’HUCA implanta’l marcáu del instrumental quirúrxicu con un ...
 

Salú

L’HUCA implanta’l marcáu del instrumental quirúrxicu con un códigu láser que facilita el so siguimientu y aumenta la seguridá de los pacientes

La matrícula única ya irrepetible permite conocer el historial del material y supón un saltu de calidá na organización

El equipo de esterilización: los trabajadores del área de esterilización con el responsable del servicio, Jorge de la Vega

16/07/2019

L’área d'esterilización del Hospital Universitariu Central d'Asturies (HUCA) ta implantando un sistema de marcáu láser de la presea quirúrxica con un códigu electrónicu que dexa la so identificación por aciu un llector y facilita el so siguimientu, de la qu'aumenta la seguridá de los pacientes.

Amás de la marca, caúna de les trés millones de pieces que s'utilicen añalmente nel área sanitaria IV, con cabecera n'Uviéu, va incluyir un códigu alfanuméricu equivalente a una matrícula única ya irrepetible. Esta midida implica importantes ventayes na trazabilidá del material y apurre beneficios para los usuarios. D'esta miente, los códigos ufierten información bien pervalible pemite, por exemplu, saber con qué persones s'utilizó una pieza concreta.

L'algame d'esti proyectu afecta al material quirúrxicu del HUCA y del Hospital Monte Naranco, mesmo qu’al de toles consultes esternes, unidaes diagnóstiques, servicios centrales, unidaes d'hospitalización y centros d'atención primaria del área IV.

Los rexistros permiten documentar ya identificar inequívocamente l'históricu de cada productu esterilizáu dende'l so orixe hasta'l so allugamientu en cada momentu, y demostrar que superó los controles de calidá oportunos. Amás d'aumentar la seguridá de los usuarios, esti sistema constitúi una escelente ferramienta pa la xestión integral del material, al permitir conocer en tiempu real l'inventariu, l'estáu de cada pieza y les necesidaes de reposición.

Tamién facilita'l caltenimientu preventivu programáu y apurre información que resulta preséu na estandarización del materia. lOtramiente, ufierta datos clave para detectar y optimizar les necesidaes del área sanitaria en función de l'actividá quirúrxica.



La esterilización nel HUCA nuevu

L'atención sanitaria implica l'usu de miles de dispositivos médicos. En particular, la presea quirúrxica ye un productu invasivu que ruempe toles barreres naturales protectores (piel, texíu subcutáneu o texíu muscular). Xeneralmente, trátase de dispositivos reutilizables y el retu al que s'enfrenten los centros asistenciales ye llograr la so esterilización y caltener los requisitos esenciales del productu para los sos socesivos usos.

La esterilización del material quirúrxicu ye un procesu complexu y cada fase tien de tar sometida a distintos controles de calidá.

Pola central d'esterilización del HUCA, onde trabayen unes 60 persones, pasen cada añu cerca de trés millones de pieces, que se correspuenden con unos 250.000 kits instrumentales d'ente ún y cien elementos. La heteroxeneidá de materiales ye tal que se algamen les 60.000 referencies, con pieces que van dende torniellos implantables que s'empleguen en maxilofacial, a otres más grandes, como los tubos de casi dos metros de llargor que s'utilicen nes endoscopies dixestives.

 

Información sobre el documento

© Copyright 2006. Gobiernu del Principau d'Asturies