Gobiernu del Principau d'Asturies

Asturies, muncho más cerca

Tas en

Asturias.es Temes Emplegu El Gobiernu d'Asturies sigue trabayando pa favorecer un alcuerdu ...
 

Emplegu

El Gobiernu d'Asturies sigue trabayando pa favorecer un alcuerdu y evitar nueves xornaes de güelga nos supermercaos

La Conseyería d'Industria fai un llamamientu a les partes por que retomen el diálogu. Recuerda que ta a disposición de la representación empresarial y de los sindicatos pa facilitar una solución negociada al conflictu

26/12/2019

El Gobiernu d'Asturies sigue trabayando para evitar la realización, dende les 22:00 hores de mañana, de cuatro nueves xornaes de paru nos supermercaos del Principáu. La Conseyería d'Industria, Empléu y Promoción Económica, al traviés de la Dirección Xeneral d'Empléu y Formación, fai un nuevu llamamientu al diálogu ente la representación empresarial y los representantes de losl trabayadores, siendo consciente de que la negociación ye la única vía pa desactivar el conflictu.

Pedro Fernández-Raigoso, director xeneral d'Empléu y Formación, señala que dende la selmana pasada, antes inclusive del entamu de les primeres xornaes de güelga, el so departamentu y el Serviciu Asturianu de Solución Estraxudicial de Conflictos (Sasec) tán a disposición de dambes partes les 24 hores y trabayen costantemente fomentando que se produza'l diálogu como única vía posible p'algamar una solución positiva del conflictu”.

“Somos conscientes de los esfuerzos que se realicen nesti sentíu, tanto dende la parte sindical como de la empresarial, lo que ye d'estimar”, señala Fernández-Raigoso, “pero siguimos insistiendo na necesidá de doblar los mesmos y en que se xenere'l clima que permita algamar lo más aína posible un alcuerdu, tando convencíos de que va ser ésti beneficiosu pa toos”.

   Icono gráfico alusivo al tipo de archivo Audiu (Audiu: 492 Kb) (n'español)

Información sobre el documento

© Copyright 2006. Gobiernu del Principau d'Asturies