Gobiernu del Principau d'Asturies

Asturies, muncho más cerca

Tas en

Asturias.es Temes Infraestructures y territoriu Infraestructures nel Principáu El Gobiernu d'Asturies remata les obres de restitución ...
 

Infraestructures nel Principáu

El Gobiernu d'Asturies remata les obres de restitución provisional del pasu que xune Alvariza y Modreiros, en Balmonte

Los trabayos, axudicaos en 36. 536 euros con un plazu d'execución d'un mes, pudieron rematase n'una selmana. El mesmu día que se produció la rotura, la Conseyería de Presidencia instaló una pasarela provisional pa que l’accesu piatonal nun quedara atayáu

16/05/2020

La Conseyería de Presidencia remató esta mañana les obres urxentes de restitución del pasu que xune Alvariza y Modreira, nel conceyu de Balmonte. La rotura del pasu, que dexaba incomunicaos a los vecinos, producióse fai xustamente una selmana.

Los trabayos realizaos, consideraos d'emerxencia, fueron axudicaos a la empresa Contrates Fernández Granda por un importe de 36.536,14 euros y un plazu d'execución d'un mes. Finalmente, la obra pudo realizase en solo siete díes.

Mientres se realiza la estructura definitiva, executóse un vadéu provisional del ríu n'una zona cercana a l'antigua ponte para facilitar el pasu de vehículos. P’adaptar esti pasu asitiáronse nel ríu unos tubos de formigón armáu con resistencia abonda pa dexar el tráficu rodáu. Al traviés d'ellos, desagua tol caudal que tresporta'l calce. Estos tubos cubriéronse con una capa de zahorra de 20 centímetros que va permitir una rodadura cómoda. Tamién se dispunxo una barrera de protección soldada a unos carriles que se fondiaron nel llechu. Coles mesmes, les marxes del ríu protexéronse na zona afectada con piedres d'escollera. Toes estes actuaciones coordináronse cola Confederación Hidrográfica del Cantábricu.

La Conseyería de Presidencia v’abordar llueu l'asistencia técnica para la redacción del proyectu de la construcción d'una nueva ponte y la so posterior execución.

El pasu piatonal entre Alvariza y Modreira solo sae vio cortáu unes hores, una y bones el mesmu día que se produció'l frayatu la Conseyería de Presidencia dio en la instalación d'una pasarela provisional.

Información sobre el documento

© Copyright 2006. Gobiernu del Principau d'Asturies