Gobiernu del Principau d'Asturies

Asturies, muncho más cerca

Tas en

Asturias.es L’Axenda de la Comunicación d’Asturies 2018 ya ta a disposición ...
 

Aniciu

L’Axenda de la Comunicación d’Asturies 2018 ya ta a disposición de la ciudadanía

El documentu puede consultase nel portal web del Gobiernu del Principáu: www.asturias.es

13/03/2018

L'Axenda de la Comunicación d'Asturies 2018 ta dende güei a disposición de la ciudadanía na páxina web del Gobiernu d'Asturies:: www.asturias.es. Per quintu añu, el documentu espublízase namás n'edición dixital ya inclúi una amplia batería de datos sobre les instituciones públiques y privaes de la comunidá autónoma, lo mesmo que de los medios de comunicación, con teléfonos de contactu y direcciones postales y electróniques.

L'axenda recueye una completa relación de les distintes instituciones autonómiques (conseyeríes con tolos sos departamentos y servicios; Xunta Xeneral del Principáu, Conseyu Consultivu y Sindicatura de Cuentes), estatales (Delegación del Gobiernu, servicios y árees dependientes de l'Alministración Xeneral del Estáu, incluyíos los cuarteles y comisaríes de les fuerces y cuerpos de seguridá) y municipales (conceyos y mancomunidaes), lo mesmo que de organizaciones polítiques, sindicales y empresariales. Tamién tán actualizaos los datos de l'alministración xudicial, educativa, cultural, deportiva, militar y relixosa. Inclúyese, amás, un apartáu colos centros y cases d'Asturies partíos pel mundu y los colexos y asociaciones profesionales.

Una vegada abierta la web www.asturias.es, pa poder consultar l'axenda tien de pinchase nel estremáu Direcciones y teléfonos, asitiáu na parte cimera derecha de la páxina. Depués, hai que buscar l'estremáu Otres direcciones y teléfonos, asitiáu na parte inferior derecha, dende'l que s'apuerta al archivu en formatu pdf de l'axenda, que se va dir actualizando dacuando.

L'enllaz directu pa descargar el documentu ye'l siguiente:

https://www.asturias.es/Asturias/descargas/agendacomunicacion/agenda_comunicacion.pdf

Información sobre el documento

© Copyright 2006. Gobiernu del Principau d'Asturies