Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Desenvolvimientu Rural collabora nel llanzamientu d’una ...
 

Agricultura y montes

Desenvolvimientu Rural collabora nel llanzamientu d’una plataforma virtual pa la venta directa de ganáu desenvuelta por una firma asturiana

La web www. vayavaca. com fai posible que’l sector agroganaderu aproveche les ventayes qu’ufierta’l comerciu dixital

25/03/2020

La Conseyería de Desenvolvimientu Rural, Agroganadería y Pesca collabora nel llanzamientu d’una plataforma virtual pa la venta directa de ganáu desenvuelta por una firma tecnolóxica asturiana.

La web VayaVaca (www.vayavaca.com ), desenvuelta por Seresco col sofitu del Banco Sabadell, quier que’l sector aproveche les ventayes del comerciu dixital. La so puesta en marcha viose acelerada énte la crisis sanitaria provocada pol COVID-19 y la declaración del estáu d’alarma.

La plataforma dexa realizar operaciones a cualquier hora, los siete díes de la selmana, y que compradores y vendedores alloñaos xeográficamente realicen les sos transacciones de forma rápida y segura, amenorgando costos y tiempu. Los compradores qu’usen VayaVaca nun van pagar comisión nenguna y van poder xenerar la so propia demanda. Amás, ufiérten-yos un sistema de valoración de los vendedores.

Pela so parte, quien quieran vender puen xubir la información de los animales en venta de manera percenciella, y contactar directamente con compradores de tol mundu.

La iniciativa cunta tamién col sofitu de dalgunos de los principales axentes del sector, como Central Lechera Asturiana, Campoastur, Ascol, Mataderu Central d’Asturies, Asoprovac, Bosch, Panero Logística, Indicación Xeográfica Protexida (IXP) Xata Asturiana o Suroccidente Agrícola, S. L.

Información sobre el documento

© Copyright 2006. Gobiernu del Principau d'Asturies