Gobiernu del Principau d'Asturies

Asturies, muncho más cerca

Tas en

Asturias.es Persones entamadores El Principáu y SabadellHerrero ponen a disposición de les pymes ...
 

Persones entamadores

El Principáu y SabadellHerrero ponen a disposición de les pymes asturianes una llinia de 50 millones pa impulsar la so internacionalización

El conseyeru d'Empléu firma cola entidá financiera un conveniu de collaboración pa sofitar la salida al esterior de les empreses

dfg72097

11/10/2018

El Gobiernu del Principáu, al traviés de la Sociedá Rexonal de Promoción Esterior Principáu d'Asturies, S.A. (Asturex), y el Banco Sabadell Herrero S.A. (SabadellHerrero) soscribieron güei un conveniu que va poner a disposición de les empreses asturianes una llinia de 50 millones pa sofitar económicamente la so internacionalización y incentivar la so salida al esterior.

El conseyeru d'Empléu, Industria y Turismu, Isaac Pola, que firmó esti alcuerdu xunto col director xeneral del SabadellHerrero, Pablo Junceda, destacó “la importancia pa les pymes asturianes d'esta llinia de productos y servicios especialmente diseñaos para sofita-yos financieramente nel so procesu d’internacionalización”. Por aciu esti alcuerdu, Asturex y SabadellHerrero complementen la so ufierta d’apoyui en destín al traviés de la rede de collaboradores y espertos que dambes entidaes tienen nos cinco continentes.

Amás d'esti asesoramientu, les compañíes asturianes van poder beneficiase del acompañamientu espertu nes xestiones bancaries más complexes y pa determinar el mediu de pagu y cobru más afayadizos en función del país y de la transacción, combinándolo con alternatives de financiamientu específiques. Tamién van poder aportar al programa Exportar para Crecer de la entidá bancaria, qu'ufierta asesoría, formación y soluciones específiques pa compañíes esportadores, tanto de forma directa por parte del propiu SabadellHerrero como d'otros partners nel programa.

Pela so parte, Asturex ufierta sofitu en cualquier fase de la internacionalización, desque la empresa se plantega empezar a esportar y hasta que busca consolidar o ampliar los sos mercaos. La sociedá pública desenvuelve planes d’internacionalización especialmente enfocaos a sectores como'l metal, la construcción, les TIC o l’agroalimentariu. Ufierta, asina mesmo, un paquete de servicios avanzaos pa consolidar y aumentar les esportaciones, del que les firmes pueden beneficiase al traviés de los programes de diagnósticu de la so capacidá esportadora, desenvolvimientu comercial internacional, accesu al mercáu multillateral, iniciación al marketing dixital internacional y asistencia técnica al traviés de la Rede Esterior d’Asturex.

   Icono gráfico alusivo al tipo de archivo Audiu (Audiu: 669 Kb) (n'español)

Información sobre el documento

© Copyright 2006. Gobiernu del Principau d'Asturies