Gobiernu del Principau d'Asturies

Asturies, muncho más cerca

Tas en

Asturias.es Temes Economía y finances Presupuestos y Cuentes El Principáu invierte 6,8 millones en 90 actuaciones pa reparar ...
 

Presupuestos y Cuentes

El Principáu invierte 6,8 millones en 90 actuaciones pa reparar los daños causaos poles envernaes nes carreteres en 2019

L’agua cayío nel mes d’avientu provocó yá 10 emerxencies cuantificaes en más de 450. 000 euros. La directora xeneral d’ Infraestructures visita les obres de la vía ente Sotrondio y Figareo, que sufrió un corte total a lo llargo de dos selmanes

23/12/2019

La Conseyería d'Infraestructures, Mediu Ambiente y Cambéu Climáticu estima en más de 6,8 millones la inversión destinada a reparar los 90 daños causaos poles envernaes na carreteres asturianes a lo llargo de 2019, unos desperfectos que fueron aumentando a lo llargo del añu por cuenta de los intensos episodios d'agua de los últimos meses.

Asina, a les 52 actuaciones acometíes por emerxencia ente xineru y setiembre d’esti añu, con una inversión total de 4.231.377 euros, súmase a les 38 derivaes de los episodios d'agua y nieve del mes d'ochobre y de payares, cuantificadas en 2.726.140 euros.

Tocántenes al mes d'avientu, el mal tiempu provocó yá 10 emerxencies, cuantificaes en más de 450.000 euros. Les afecciones fueron especialmente intenses na zona central d'Asturies y nel suroccidente, onde foi mester, ente otres actuaciones, cortar dos díes la carretera AS-17 al altor de Tarna, y viéronse afectaes víes como'l Fondos de Vega y Pozu de les Muyeres Muertes na zona de Cangas, o l'AS-213 nel puertu de L.leitariegos y l'AS-15 al altor de Tebongo.

La directora xeneral d'Infraestructures, Esther Díaz, facilitó güei estos datos na so visita a les obres d'arreglu del fundimientu que se produció a finales del mes de payares nel puntu kilométricu 3,620 de la carretera AS-337, que xune Sotrondio y Figareo, al altor del núcleu de Perabales, nel conceyu de Samartín del Rei Aurelio; y qu'obligó a cortar la carretera dos selmanes.

Díaz punxo esta actuación como exemplu del “importante esfuerzu económicu que tamos realizando dende la conseyería pa solucionar los daños lo antes posible”. “Toles incidencies que cumplen los requisitos normativos tramítense pol procedimientu d'emerxencia p'asina actuar cola mayor dilixencia y el restu vamos solucionlo atendiendo a la nuesa capacidá operativa y presupuestario” destacó la directora.

Les obres d'esta actuación, presupuestada en 90.000 euros, consisten na execución d'un muriu de formigón de sostenimientu, de 15 metros de llargor y 3,5 metros d'altor mediu d'alzáu; la meyora del drenaxe y la reconstrucción del firme. Los trabayos van rematase cola instalación de la barrera de seguridá y col pintáu de les marques viales na zona afectada. Coles mesmes, aprovechóse la ocasión pa realizar una obra de drenaxe nel puntu kilométricu 1,600 d'esta vía, tamién estropiada por una envernada.

Información sobre el documento

© Copyright 2006. Gobiernu del Principau d'Asturies