Gobiernu del Principau d'Asturies

Asturies, muncho más cerca

Tas en

Asturias.es La Conseyería d'Industria tramitó tolos espedientes de ...
 

Aniciu

La Conseyería d'Industria tramitó tolos espedientes de regulación d'empléu derivaos de la pandemia sanitaria

La Dirección Xeneral d'Empléu y Formación xestionó 12. 642 ERTE dende mediaos de marzu, cantidá que supón el 99,93% de los presentaos. 3. 008 empreses comunicaron a l'autoridá llaboral la finalización de les midíes escepcionales d'amenorgamientu de xornada o de suspensión temporal

28/07/2020

La Conseyería d'Industria, Empléu y Promoción Económica xestionó la práctica totalidá de los espedientes de regulación temporal d'empléu rexistraos énte l'autoridá llaboral del Principáu. Acordies colos datos presentaos esta mañana a patronal y sindicatos, la Dirección Xeneral d'Empléu tramitó 12.642 ERTE. Esta cantidá equival al 99,93% de toles solicitúes plantegaes dende mediaos de marzu, qu'implicaron la suspensión d'empléu o l'amenorgamientu de xornada a 53.718 persones.

De la suma total d’ERTE tramitaos, 11.312 tuvieron la consideración de fuerza mayor, con 40.998 persones afectaes. Los 1.330 restantes, debíos a otres causes, llevaron a 12.720 persones a la suspensión d'empléu o al amenorgamientu de xornada. Per otru llau, 14.125 trabayadores afectaos por espedientes de regulación reincorporáronse yá a los sos puestos de trabayu. Esti númberu representa'l 26,29% de les persones implicaes n’ERTE autonómicos.

Hasta ayeri, 3.008 empreses comunicaren a la Conseyería d'Industria, Empléu y Promoción Económica la suspensión definitiva, por finalización, desistimientu o arrenunciu, de los espedientes de regulación d'empléu aplicaos dende l'entamu de la emerxencia sanitaria. Estes cifres solo contemplen los ERTE autorizaos y tramitaos pol Gobiernu d'Asturies y nun inclúin les desafectaciones parciales de trabayadores en regulación (que la so comunicación a Dirección Xeneral d'Empléu nun ye obligatoria) y los espedientes d'ámbitu nacional con persones afectaes nel Principáu.

Por motivación de los espedientes que remataron la so vixencia, 2.939 presentárense por causes de fuerza mayor y afectaben a 13.687 trabayadores, ente qu'otros 69 por distintes razones repercutíen sobre 438 persones.



ERTES PRESENTAOS DENE L’ENTAMU DEL PROCESU



(11/03/2020 al 27/07/2020)

TOTAL D’ ERTES PRESENTAOS 12.650
TOTAL D’ ERTES TRAMITAOS
TOTAL POR FUERZA MAYOR POR OTRES CAUSES
NU ERTES 12.642 11.312 1.330
NU TRBAYADORES AFECTAOS/ES 53.718 40.998 12.720
NU MEDIU DIES DE SUSPENSION 115 135

 



ERTES POR SECTORES Y PERSONES TRABAYADORES

SECTORES ERTE TRABAYADORES/ % TRABAJADORES POR SECTORES
PrimariU 60 441 0,82
Construcción 279 2.166 4,03
Industria 1.528 12.345 22,98
Servicios 10.728 38.408 71,50
Ensin Determinar 47 358 0,67
TOTAL 12.642 53.718 100

 



ACTIVIDAES Y PERSONES TRABAYADORES INCLUYÍES

SERVICIOS DE COMÍES Y BEBÍES / AGOSPIU 8.812 16,40%

PEQUEÑU COMERCIU 6.117 11,39%

METALURXIA/FABRICACIÓN PRODUCTOS METÁLICOS 4.968 9,25%

PELUQUERÍA Y ESTÉTICA 3.315 6,17%

REPARACIÓN Y VENTA VEHÍCULOS 2.370 4,42%

CONSTRUCCIÓN/INXENIERÍA CIVIL 2.166 4,03%

ACTIVIDAES DEPORTIVES, RECRE. Y ENTRETEN. 1.902 3,54%

TRESPORTE PER CARRETERA 1.887 3,51%

EDUCACION/FORMACION 1.885 3,51%

SERVICIOS PERSONALES Y ASISTENCIALES 1.712 3,19%

INDUSTRIA ALIMENTACIÓN 1.570 2,92%

COMERCIO MAYOR / DISTRIBUCIÓN 1.150 2,14%

OTROS 15.864 29,53%



RENUNCIES Y COMUNICACIONES FIN D’ ERTE

TOTAL POR FUERZA MAYOR POR OTRES CAUSES
NU ERTES 3.008 2.939 69
NU TRBAYADORES DESAFECTAOS/ES 14.125 13.687 438

 

Información sobre el documento

© Copyright 2006. Gobiernu del Principau d'Asturies