Gobierno del Principado de Asturias

Asturias, mucho más cerca

Estás en

Aniciu Gobiernu Actualidá Servicios Sociales espón les sos polítiques sobre vivienda na ...
 

Actualidá

Servicios Sociales espón les sos polítiques sobre vivienda na reunión que celebra l’Asociación Housing Europe en Bruseles

El Gobiernu d’Asturies participa nos trabayos d’esta entidá, qu’axunta empreses de tol continente

26/02/2019

La Conseyería de Servicios y Derechos Sociales espón la política de vivienda del Gobiernu d’Asturies na reunión del comité de trabayu de l’Asociación Housing Europe, la Federación Europea de Vivienda Pública, Cooperativa y Social que se celebra en Bruseles hasta’l xueves.

El director xeneral de Vivienda, Fermín Bravo, y la xerente de la empresa pública Viviendes del Principáu (Vipasa), María Montes, van ser los encargaos d’esplicar mañana les midíes rellacionaes cola xestión del parque públicu d’inmuebles, en coordinación colos conceyos.

Tamién van informar sobre los programes que se tán desenvolviendo n’Asturies pa convertir la vivienda nun instrumentu d’inclusión social, como’l Housing first; la iniciativa de sofitu a ex-reclusos, muyeres en situación de trata o prostitución, o la d’intermediación comunitaria en comunidaes de vecinos, ente otres.

Estes xornaes de trabayu, que se celebren dos veces al añu pa tratar asuntos d’interés común y favorecer l’intercambéu d’información ente entidaes de dellos países, van dexar analizar la xestión de les viviendes públiques en distintos sitios y difundir esperiencies.

L’Asociación Housing Europe, nacida en 1988, configúrase como una rede qu’axunta a 45 federaciones nacionales y rexonales, de les que formen parte 43.000 empreses del sector de 24 países. En total, alministren más de 26 millones de viviendes, aproximao’l 11 % de les qu’existen en toa Europa.

La xerente de Vipasa ocupa anguaño la vicepresidencia de l’Asociación Española de Xestores Públicos de Vivienda y Suelu (AVS), entidá de plenu derechu na asociación europea y que n’España engloba a más de 100 empreses públiques y xestiona un parque d’arriendu con más de 250.000 inmuebles.

 

Información sobre el documento

© Copyright 2006. Gobierno del Principado de Asturias