Gobiernu del Principau d'Asturies

Asturies, muncho más cerca

Tas en

Asturias.es Emigrantes La directora d’Emigracion empieza güei un viaxe a Arxentina pa ...
 

Emigrantes

La directora d’Emigracion empieza güei un viaxe a Arxentina pa conocer la situación de la colectividá asturiana nel país

Begoña Serraano va evaluar el Plan d’Emigración del Principáu y recoyer suxerencies pa principiar la ellaboración del documentu nuevu

06/10/2019

La directora xeneral d’Emigración y Memoria Democrática, Begoña Serano, empieza güei un viaxe d’una selmana a Arxentina pa reunise cola comunidá asturiana nesti país y conocer de primer mano la so situación. Amás, Serrano va analizar cola colectividá nel esterior llinies nueves de cooperación, va informar sobre la Llei d’Asturianía nueva y va evaluar el Plan actual d’Emigración del Principáu pa recoyer tamién aportaciones primero d’empezar la ellaboración del documentu nuevu.

Serrano va percorrer a lo llargo de la selmana que vien cuatro ciudaes arxentines, Buenos Aires, Santa Fe, Rosario y Mar del Plata, nes que va caltener una docena d’alcuentros con distintes comunidaes d’emigrantes y va entrevistase con diverses persones demandantes d’ayudes sociales.

El viaxe incluye una visita al Muséu-Sitiu de la Memoria ESMA en Buenos Aires, un espaciu que funcionó como centru clandestín de detención, tortura y esterminiu de la Dictadura Cívico-Militar (1976-1983). Nesti sitiu tuvieron deteníes alredor de 5.000 persones, les más d’elles tiraes vives al mar nos vuelos de la muerte.

   Icono gráfico alusivo al tipo de archivo Audiu (Audiu: 414 Kb) (n'español)

Información sobre el documento

© Copyright 2006. Gobiernu del Principau d'Asturies