Gobiernu del Principau d'Asturies

Asturies, muncho más cerca

Tas en

Asturias.es El Principáu robla un conveniu cola Universidá d'Uviéu para ...
 

Aniciu

El Principáu robla un conveniu cola Universidá d'Uviéu para impulsar estudios sobro'l mercáu de trabayu y analizar la eficacia de les polítiques d'empléu

El conseyeru Isaac Pola y el rector Santiago García suscribieron güei l'alcuerdu de collaboración, con una vixencia de cuatro añosLa cooperación ente dambes instituciones va reforzase por aciu l'intercambiu de datos, col fin d'evaluar la estructura llaboral y l'insertamientu de los titulaos

12/03/2018

El Gobiernu d'Asturies y la'Universidá d'Uviéu suscribieron güei un conveniu de collaboración que va facilitar l'intercambiu d'información ente dambes instituciones pa la ellaboración d'estudios sobre'l mercáu de trabayu que van dexar analizar la eficacia de les polítiques actives d'empléu. El conseyeru d'Empléu, Industria y Turismu, Isaac Pola, y el rector de la Universidá d'Uviéu, Santiago García, roblaron esta mañana l'alcuerdu, con una vixencia de cuatro años y posibilidá de prórroga.

Esti conveniu va entainar l'intercambiu d'información ente la institución académica y el Serviciu Públicu d'Empléu del Principáu (Sepepa). D'esta manera, el Sepepa va facilitar datos sobre desempléu, el perfil de los beneficiarios de les sos midíes y cualesquier otra información que rica la Universidá pa realizar estudios. N’acabando los trabayos, van unviase les conclusiones a la conseyería por que el Executivu pueda valorar la eficacia de les polítiques d'empléu que desenvuelve ya introducir posibles cambeos. Coles mesmes, los estudios qu'ellabore la institución académica van dexar al Sepepa analizar l'insertamientu llaboral de los titulaos.

L'alcuerdu pretende ameyorar tanto los servicios que s'empresten a la ciudadanía como'l cumplimientu de los fines y compromisos de caúna de les partes. Pa velar pol so cumplimientu, va crease xuna comisión de siguimientu paritaria compuesta por cuatro persones: dos representantes del Sepepa y dos de la Universidá. Esti órganu va axuntase, a lo menos, una vegada al añu y va tener diverses funciones, ente elles, la planificación, supervisión y aprobación d'un plan d'actividaes añales, l'establecimientu de les directrices de funcionamientu y l'ellaboración d'un informe técnicu añal.

 

Proyectos inmediatos

La Universidá d'Uviéu y el Serviciu Públicu d'Empléu caltienen una estrecha collaboración dende va años. Hasta agora, yera necesario tramitar una solicitú d'información concreta cada vez que una parte riquiera información de la otra, daqué que camuda cola firma d'esti conveniu.

  Icono gráfico alusivo al tipo de archivo Audiu (Audiu: 2 Mb) (n'español)

 

Información sobre el documento

© Copyright 2006. Gobiernu del Principau d'Asturies