Gobiernu del Principau d'Asturies

Asturies, muncho más cerca

Tas en

Asturias.es Temes Educación Deporte incorpora un certame cultural a les actividaes de los ...
 

Educación

Deporte incorpora un certame cultural a les actividaes de los Xuegos Deportivos y de Deporte Adaptáu del Principáu

-- La Conseyería de Cultura, Política Llingüística y Turismu convoca un concursu de dibuxu, microrrelatos y poemes pa que los mozos unvien mensaxes d'aliendu a la sociedá asturiana

31/03/2020

La Conseyería de Cultura, Política Llingüística y Turismu, al traviés de la Dirección Xeneral de Deporte, convocó un certame cultural como parte de les actividaes empobinaes a los escolares inscritos nos Xuegos Deportivos Escolares y Xuegos de Deporte Adaptáu, con cuenta de que, dende el compromisu #yoquedoencasa, puedan amosar mensaxes d'aliendu y solidaridá a la sociedá asturiana.

Énte'l confinamientu necesariu y l'aplazamientu obligáu de la competición, el certame Juegos deportivos escolares en casa-desafío COVID-19 / Xuegos deportivos escolares en casa-desafíu COVID-19 convócase cola cuenta de promover actuaciones colaborativas de calter desinteresáu que redunden nel beneficiu común.

La iniciativa cultural encóntase na presentación de dibuxos, microrrelatos y poemes que tengan como motivu los Xuegos Deportivos Escolares. Concretamente, la temática ha xirar alredor de la modalidá que practica cada escolar inscritu nos Xuegos, qu'ha especificar la categoría na que compite y faer referencia a los valores rellacionaos col espíritu deportivu y d'equipu, la convivencia, l'esfuerzu y el respetu a les normes.

Los trabayos van atender a les bases que s'especifiquen nos archivos axuntos a esta nota y apurrise en formatu PDF o con una fotografía del dibuxu, microrrelatu o poema a la dirección de corréu DGDEPORTESCOVID-19@asturias.org.

La fecha límite de recepción de los trabayos va ser l'últimu día del confinamientu decretáu pol Gobiernu español. Mientres dure la cuarentena, los orixinales recibíos van dir escoyéndose y publicándose al traviés de les diverses redes sociales y páxina web del Gobiernu asturianu como una bona práctica más de collaboración y interactuación qu'ayude a pasar estos momentos de manera activa, constructiva y lúdica.


Icono gráfico alusivo al tipo de archivo Bases (Pdf: 323 Kb)

Información sobre el documento

© Copyright 2006. Gobiernu del Principau d'Asturies