Gobiernu del Principau d'Asturies

Asturies, muncho más cerca

Tas en

Asturias.es Temes Infraestructures y territoriu El Principáu invierte 500.000 euros na reparación de la ...
 

Infraestructures y territoriu

El Principáu invierte 500.000 euros na reparación de la carretera que xunta Saús y El Plonu, en Siero

El vicepresidente y conseyeru d’Infraestructures, Juan Cofiño, visita les obres, finalizaes va poco. L’actuación ameyora les condiciones de seguranza y comodidá pa los usuarios

De izquierda a derecha, el jefe de servicio de Conservación y Explotación de Carreteras, Manuel Serrán: la directora general de Infraestructuras, Esther Díaz; el alcalde de Siero, Ángel García, y el vicepresidente y consejero de Infraestructuras, Medio Ambiente y Cambio Climático, Juan Cofiño

27/11/2019

La Conseyería d’Infraestructures, Mediu Ambiente y Cambéu Climáticu, invirtió mediu millón d’euros nel arreglu de la carretera SI-12 que xunta Saús y El Plonu, en Carbayín (Siero).

El vicepresidente del Gobiernu del Principáu y responsable d’esti departamentu, Juan Cofiño, visitó güei les obres, remataes va poco, acompañáu pola directora xeneral d’Infraestructures, Esther Díaz, y l’alcalde de Siero, Ángel Antonio García.

La execución del proyectu, qu’afectó a cinco quilómetros de vía, dexó iguar una partida de defectos na carretera, que se traducíen nuna mengua de les condiciones de seguranza y durabilidá de la infraestructura, amás d’una mengua de la comodidá pa los usuarios.

Les actuaciones consistieron na rehabilitación del firme con una capa de regularización, siguida d’otra de rodadura de mezcla bituminoso en caliente de cinco centímetros. Pa los accesos usóse pavimentu de formigón de 12 centímetros d’espesura, sobre una capa de base granular de tritu artificial.

Tamién s’ameyoró’l sistema de drenaxe, cola execución de dellos tramos de cuneta, drenes y caños. Como remate, pintáronse les marques viales, y instaláronse les barreres de seguranza nel vial y la señalización vertical.

Amás, primero de qu’empezaren los trabayos, llimpióse’l vial, rozáronse turries y reperfiláronse les cunetes.

La SI-12 pertenez a la rede local de segundu orde, de titularidá del Principáu d’Asturies. Con un llargor de daqué más de cinco quilómetros, empieza na AS-324, Santuyano-Carbayín, que va dafechu pel conceyu de Siero.

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies