Gobiernu del Principau d'Asturies

Asturies, muncho más cerca

Tas en

Asturias.es Temes Mediu Ambiente La Guardería del Mediu Natural movilízase pa lluchar contra'l ...
 

Mediu Ambiente

La Guardería del Mediu Natural movilízase pa lluchar contra'l coranavirus nel mediu rural

Los axentes intégrense nel Grupu d'Acción Social, formáu pola Conseyería de Derechos Sociales, el Sepa y la Delegación del Gobiernu, pa realizar llabores asistenciales. Tamién realicen xeres fundamentales pa caltener l'actividá nel sector primariu y garantizar el suministru de la cadena alimentaria

28/03/2020

La Guardería del Mediu Natural movilizóse pa collaborar na llucha contra'l coronavirus nel mediu rural. Los sos axentes integráronse nel Grupu d'Acción Social, formáu pola Conseyería de Derechos Sociales y Bienestar, el Serviciu d'Emerxencies del Principáu (Sepa) y la Delegación del Gobiernu n'Asturies, pa realizar llabores asistenciales.

La primer acción que tán desenvolviendo dientro d'esti grupu ye la distribución d'equipos de protección individual (epis) pa personal del organismu autónomu Establecimientos Residenciales d'Asturies (ERA) en tolos sos centros y residencies. El repartu empezó'l miércoles pasáu y va dexar dar cobertoria a 26 equipamientos asistenciales del ERA. Ente los epis apurríos tán los cedíos polos guardes adscritos al Parque Nacional de los Picos d'Europa.

Los axentes del Mediu Natural tamién tán a disposición del operativu establecíu por cuenta de la declaración d'alarma, coordináu pola Delegación del Gobiernu, pa collaborar na distribución de productos de primera necesidá (material de protección, melecines, etcétera) a les persones que la precisen nel mediu rural.

Amás, nel marcu de la llucha contra'l coronavirus, collaboraren col restu de departamentos de la Conseyería de Desenvolvimientu Rural, Agroganadería y Pesca en xeres imprescindibles pa caltener l'actividá nel sector agroganadero y garantizar el suministru de la cadena alimentaria.

La Guardería de Mediu Natural, integrada por 252 axentes, caltién les xeres de vixilancia y prevención diaries, cola dotación de servicios mínimos establecida, integrada por guardes mayores y un guarda por zona. Sicasí, tol personal ta a disposición y en reten vinculáu al nivel de necesidá.

Los cometíos qu'asumen n’ámbitu ordinariu son de vixilancia en prevención de quemes forestales, comprobación de daños xeneraos pola fauna montesa, vixilancia de los recursos naturales, cinexéticos y piscícoles, collaboración nel dispositivu de trampéu pa vespa velutina y l'atención a otres incidencies urxentes rellacionaes colos recursos naturales.


Icono gráfico alusivo al tipo de archivo Audiu (Audiu: 514 Kb) (n'español)

Información sobre el documento

© Copyright 2006. Gobiernu del Principau d'Asturies