Gobierno del Principado de Asturias

Asturias, mucho más cerca

Estás en

Aniciu Temes Europa Fondos Estructurales y d’Inversión Europeos El Principáu reclama un mecanismu pa evitar una baxada de los ...
 

Fondos Estructurales y d’Inversión Europeos

El Principáu reclama un mecanismu pa evitar una baxada de los fondos europeos nel marcu financieru próximu de la política de cohesión

El conseyeru de Presidencia plantegó güei na Conferencia p’Asuntos Rellacionaos cola Unión Europea que les rexones que camuden de categoría nun pierdan recursos nel periodu 2021-2027

Un momento de la xunta

10/12/2018

El Gobiernu d'Asturies reclamó güei que s'articulen mecanismos pa evitar un descensu de los fondos europeos nel marcu financieru próximu de la política de cohesión pal periodu 2021-2027. El conseyeru de Presidencia y Participación Ciudadana, Guillermo Martínez, treslladó esti pidimientu mientres la xunta de la Conferencia p’Asuntos Rellacionaos cola Unión Europea (Carue), l'órganu de cooperación institucional ente l'Executivu central y les comunidaes autónomes en materia d'asuntos europeos.

Martínez plantegó que, énte'l marcu financieru próximu de la política de cohesión, los reglamentos recueyan “una midida qu'evite la perda de financiamientu pa los territorios que, como Asturies, baxen de categoría y pasen de ser rexones menos desenvueltes a rexones en transición”.

Pal Executivu autonómicu, el métodu d’asignación de los fondos comunitarios pal periodu próximu ha recoyer una rede de seguridá p'aquelles rexones que camuden de categoría y nes qu'esi métodu d’asignación podría facer que los sos recursos menguaren, una situación qu'afecta a un total de 9 en dellos países: Asturies, Galicia y Ceuta y Melilla (España), Zahodna Slovenija (Eslovenia), Attiki y Dytiki Makedonia (Grecia), Madeira (Portugal) y Chipre.

D’alcuerdu cola propuesta de reglamentu de la Comisión Europea, el métodu d’asignación de los fondos a les rexones varia en función de trés categoríes primeramente definíes: rexones menos desenvueltes, rexones en transición y rexones más desenvueltes. Esti métodu tien en cuenta la fienda ente'l *PIB per cápita d'un territoriu y la media de la Unión Europea (UE), con cuenta de reflexar la prosperidá rexonal. Incluye, asina mesmo, desafíos sociales, económicos y territoriales, como'l desempléu, la baxa densidá de población y, nel casu de les más desenvueltes, los niveles d'educación. La Comisión propunxo un cambéu del métodu que, anque entá toma como referencia'l PIB per cápita, incorpora otres variables que, na práctica, podríen perxudicar los intereses de rexones como Asturies.

“Los gobiernos d'Asturies y Galicia tamos en contactu pa llevar alantre les acciones necesaries, énte les autoridaes comunitaries y tamién énte l'Executivu central, pa salvaguardar los recursos financieros nel periodu próximu de la política de cohesión”, sorrayó Martínez.

 

   Icono gráfico alusivo al tipo de archivo Audiu (Audiu: 349 Kb) (n'español)

Información sobre el documento

© Copyright 2006. Gobierno del Principado de Asturias