Gobiernu del Principau d'Asturies

Asturies, muncho más cerca

Tas en

Asturias.es Temes Cultura Promoción, Cooperación y Difusión Cultural Cultura convoca los premios lliterarios n'asturianu y el ...
 

Promoción, Cooperación y Difusión Cultural

Cultura convoca los premios lliterarios n'asturianu y el Camaretá al Meyor Cantar n'asturianu y gallego-asturianu

Les obres finalistes del galardón de teatru profesional van representase nel IV Festival de Teatru ‘Nel Amaro’

18/06/2020

La Conseyería de Cultura, Política Llingüística y Turismu convocó los premios lliterarios n'asturianu Xosefa Xovellanos de novela, na so 41 edición, Xuan María Acebal de poesía, na so 26 edición, Máximo Fuertes Acevedo d'ensayu, tamién na so 26 edición, María Josefa Canellada de lliteratura infantil y xuvenil, na so decimotercer edición, y l'Alfonso Iglesias de cómic, na so decimosegunda edición. Estos cinco premios tán dotaos con 5.000 euros cada unu y el plazu de presentación d'orixinales remata'l próximu 31 de xunetu.

El premiu Camaretá al Meyor Cantar incorpora nesta edición el nome de la primer agrupación musical y lliteraria del Surdimientu, Camaretá, que foi formada en 1975 por Teresa Estrada, Xuan Marcos, Manuel Asur, Nel Xiblata, Manolo Peñayos, Aurora Roces y Chus Pedro Suárez.

El galardón foi creáu en 2007 pa premiar un cantar con lletra n'asturianu o en gallego-asturianu, ta dotáu con 6.000 euros y el plazu de presentación termina'l 1 de xunetu. Al Camaretá al Meyor Cantar pueden presentase cantares de cualquier xéneru editaos y publicaos a lo llargo de 2019 y hasta la fecha de convocatoria d'esta edición, el pasáu 16 de xunu.

A la cuarta edición del premiu Nel Amaro de teatru profesional n'asturianu o gallego-asturianu pueden optar obres yá estrenaes y representaes, yá seyan orixinales, versiones o adaptaciones d'otros títulos. El galardón ta dotáu con 6.000 euros y el plazu de presentación remata'l 16 de xunetu. Les obres finalistes van conformar el IV Festival de Teatru Nel Amaro, que se va celebrar los díes 2, 9, 16 y 23 d'ochobre nel Teatru Filarmónica d'Uviéu.

Información sobre el documento

© Copyright 2006. Gobiernu del Principau d'Asturies