Gobiernu del Principau d'Asturies

Asturies, muncho más cerca

Tas en

Asturias.es El CEEI llanza una edición nueva del so programa Se busca CEO ...
 

Aniciu

El CEEI llanza una edición nueva del so programa Se busca CEO pal desenvolvimientu de startups n'Asturies

Les dos primeres convocatories llograron la creación d'ocho empreses nueves y el fortalecimientu de trelce equipos de proyectos innovadores. Les places son llimitaes y el plazu pa la presentación de solicitúes va tar abiertu hasta'l 31 de xineru

De izqda. a dcha.: el consejero de Ciencia, Innovación y Universidad, Borja Sánchez; la directora del CEEI, Cristina Fanjul, y la directora del Idepa y presidenta del CEEI, Eva Pando

17/01/2020

El Centru Européu d'Empreses y Innovación (CEEI) punxo en marcha una edición nueva del so programa Se busca CEO, una iniciativa que busca promover el desenvolvimientu de startups n'Asturies. Más de 70 persones asistieron güei a la xornada de presentación, na que participó'l conseyeru de Ciencia, Innovación y Universidá, Borja Sánchez, xunto con Eva Pando y Cristina Fanjul, presidenta y directora de CEEI Asturias, respectivamente.

Esta ye la tercer edición del programa, que nos dos años anteriores llogró la puesta en marcha d'ocho empreses nueves y l'afitamientu de trelce equipos en sectores tan diversos como'l dixital, la inxeniería avanzada, consultoría o la biotecnoloxía.

Sánchez sorrayó “el valor d'esta iniciativa, que busca sinerxes ente dos ecosistemes separaos y consigue un altu valor añedíu al llevar la ciencia al mercáu”. Pela so parte, Eva Pando punxo de relieve'l calter pioneru d'esti programa, únicu n'Europa, que busca “la sostenibilidá empresarial completando equipos profesionales”.

Mientres la xornada, les empreses Microviable Therapeutics, AppsToEnjoy y Protein Biotechnologies presentaron la so esperiencia como casu d'éxitu.

Se busca CEO ye un programa singular pa la crecedera y desenvolvimientu de start-ups y proyectos empresariales innovadores. Busca formar equipos completos y alliniaos colos sos oxetivos estratéxicos de crecedera. Esta iniciativa diríxese, per un llau, a empreses de creación recién, entamadores y intraentamadores con proyectos altamente innovadores, que busquen crecer incorporando talentu. Y, por otru, a persones con moliciones entamadores interesaes n'integrase nuna startup pa trabayar activamente nella apostando pola so crecedera y afitamientu.

El programa acoyó n'anteriores ediciones la participación de 28 empreses o proyectos y de 65 persones interesaes en recibir formación en competencies de lideralgu, xestión d'equipos, negociación y enfoque a resultaos.

La duración ye de seis meses y estrémase en trés fases progresives, lo que dexa avanzar a aquellos participantes firmemente comprometíos y complementarios nes sos competencies. El programa va impartilu Miguel Morán, espertu de RHO Group, una compañía centrada en potenciar la crecedera empresarial al traviés de la meyora del rindimientu del talentu de les persones.

Les places son llimitaes y el plazu pa la presentación de solicitúes va tar abiertu hasta'l 31 de xineru. La primer sesión va tener llugar el 13 de febreru.

   Icono gráfico alusivo al tipo de archivo Audiu (Audiu: 371 Kb) (n'español)

Información sobre el documento

© Copyright 2006. Gobiernu del Principau d'Asturies