Gobierno del Principado de Asturias

Asturias, mucho más cerca

Estás en

Aniciu Gobiernu Actualidá L’HUCA va ufiertar mañana'l tradicional menú del Desarme a 200 ...
 

Actualidá

L’HUCA va ufiertar mañana'l tradicional menú del Desarme a 200 pacientes ingresaos ensin restricciones

17/10/2019

L'Hospital Universitariu Central d'Asturies (HUCA) va sirvir mañana, vienres, unos 200 menúes del Desarme a los pacientes ingresaos que nun tienen restricciones dietétiques.

Ye la primer vez que'l serviciu de Restauración y Seguridá Alimentaria del HUCA ellabora esti menú tradicional, que consiste en garbanzos con bacaláu y espinaques, dureces y arroz con lleche.

Los platos van tar disponibles pa les dietes basales y basales opcionales. Nesti segundu casu, los pacientes van poder escoyer como segunda opción de menú arroz con verdures y costiella de gochu de primeru, y xamón asao con pimientos y cebolla, de segundu, y una pieza de fruta en llugar del arroz con lleche.

El personal del serviciu de Restauración va emplegar na ellaboración d'esti menú especial 56 quilos de garbanzos, 35 de bacaláu y 18 d'espinaques fresques pal primer platu; unos 45 quilos de callos pal segundu platu y 4 quilos d'arroz y 10 llitros de lleche para'l postre.

El procesu d'ellaboración del menú va rematar alredor a les 11 de la mañana, y l’emplatáu va empezar a mediudía.

D'esta manera, l’HUCA, qu'ellabora diariamente unos 800 xintes, xúnese a la celebración popular que conmemora la victoria de les tropes isabelines frente a los carlistes con un popular menú, una costume que n'Uviéu se treslladó dende finales del sieglu XIX al 19 d'ochobre.

Información sobre el documento

© Copyright 2006. Gobierno del Principado de Asturias