Gobierno del Principado de Asturias

Asturias, mucho más cerca

Estás en

Aniciu Pa tí Persones entamadores El Centru Européu d'Empreses ya Innovación convoca una nueva ...
 

Persones entamadores

El Centru Européu d'Empreses ya Innovación convoca una nueva edición del Premio Radar spin-off para fomentar la iniciativa entamadora ente los investigadores

El galardón, dotáu con 2. 000 euros, diríxese a persones que desenvuelvan la so actividá en centros tecnolóxicos públicos o privaos d'Asturies

16/04/2019

El Centru Européu d'Empreses ya Innovación (CEEI), dependiente de la Conseyería d'Empléu, Industria y Turismu, convocó una nueva edición del Premio Radar spin-off pa fomentar la iniciativa entamadora ente los investigadores. En concreto, con esta iniciativa pretende facilitase la tresferencia al mercáu de proyectos que puedan ser esplotaos comercialmente ya identificar a profesionales con capacidá pa ponese al mandu de nueves iniciatives empresariales.

El galardón, que tien una dotación económica de 2.000 euros, ta patrocináu pol Institutu de Desarrollu Económicu del Principáu d'Asturies (Idepa) y el BBVA, en collaboración cola Universidá d'Uviéu. La convocatoria diríxese a investigadores que desenvuelven la so actividá profesional en centros tecnolóxicos públicos o privaos asturianos y el plazu de presentación de les candidatures va rematar el 31 de mayu.

Amás del premiu, el CEEI participa en cursos, másteres y congresos destinaos a potenciales entamadores-investigadores y lleva a cabu programes d'aceleración específicos en sectores estratéxicos, como'l creativu, la industria 4.0, la bioeconomía y la salú. Frutu d'estes acciones, detectó y trabayó con 142 proyectos spin-off.

El términu spin-off refierse a la creación d'una empresa nel senu d'otra organización yá esistente, sobremanera, a partir de tecnoloxíes xeneraes peles sos llinies d'investigación y desenvolvimientu. N'Asturies, 69 firmes d'estes característiques punxéronse en marcha, especialmente nos sectores de les nueves tecnoloxíes y la biotecnoloxía. El 59% proceden del ámbitu académicu y tecnolóxicuy el 41% del ámbitu empresarial.

Nes cuatro convocatories anteriores d'esti premiu presentáronse 37 candidatures integraes por 109 investigadores procedentes de nueve entidaes d'investigación asturianes.

 

Información sobre el documento

© Copyright 2006. Gobierno del Principado de Asturias