Gobiernu del Principau d'Asturies

Asturies, muncho más cerca

Tas en

Asturias.es Temes Salú La Unidá de Xestión Clínica de Medicina Interna del HUCA, ...
 

Salú

La Unidá de Xestión Clínica de Medicina Interna del HUCA, premiada pola so atención Escelente

El Sellu de la Sociedá Española de Medicina Escelente Interna valora les meyores práctiques y la evidencia científica disponible basándose en 43 estándares. L’HUCA ye’l primer hospital asturianu en recibir esta distinción

24/01/2020

El serviciu de Medicina Interna del Hospital Universitariu Central d’Asturies (HUCA) foi reconocíu col sellu de SEMI Escelente, una acreitación de la Sociedá Española de Medicina Interna (SEMI) que certifica la calidá de la unidá de xestión clínica.

L’HUCA, centru de referencia de la rexón, ye’l primer hospital asturianu en cuntar con esti gallardón que nació p’ameyorar la calidá asistencial nel Sistema Nacional de Salú, amenorgar la mortalidá y los reingresos hospitalarios evitables y facer un usu eficiente de los recursos disponibles. Nesti proyectu, la SEMI cunta cola collaboración de la Fundación del Institutu pa la Meyora de l’Asistencia Sanitaria (IMAS).

Pa la concesión d’esti premiu, tuviéronse en cuenta 43 estándares d’escelencia axuntaos en trés procesos clave: l’atención al paciente agudamente enfermu hospitalizáu en sales de Medicina Interna, el sofitu de consultoría a Atención Primaria y a otres especialidaes, y l’atención al paciente crónicu complexu; dos procesos estratéxicos: la formación y la investigación; y un procesu de soporte: organización y xestión.

Na segunda edición del sellu SEMI Escelente amás del HUCA foron gallardonaos otros nueve servicios de medicina interna de tol territoriu nacional.

Información sobre el documento

© Copyright 2006. Gobiernu del Principau d'Asturies