Gobiernu del Principau d'Asturies

Asturies, muncho más cerca

Tas en

Asturias.es Temes Medios de comunicación La televisión pública de Baviera graba un programa especial nel ...
 

Medios de comunicación

La televisión pública de Baviera graba un programa especial nel Parque Nacional de los Picos de Europa

Lidera l'equipu'l comunicador especializáu en monte y mediu ambiente George Bayerle. El rodaxe forma parte de les acciones de promoción qu'impulsa'l Gobiernu del Principáu xunto cola Oficina Española de Turismu de Munich

27/06/2019

Un equipu de cinco persones, llideráu pol comunicador especializáu en monte y mediu ambiente George Bayerle, ta realizando un reportaxe sobre'l Parque Nacional de los Picos d'Europa. Esti espaciu va protagonizar unu de los episodios de Bergauf-Bergab, programa qu'emite la canal pública de televisión de Baviera Bayerischer Rundfunk.

Esti programa, que puede vese los domingos, a les 18:45 hores, na televisión alemana, va empobináu a persones aficionaes al monte y al deporte, y dedica especial atención a otros aspectos como la gastronomía, l'arquitectura tradicional o la vida cotidiana nes árees de monte.

George Bayerle, que ta siendo asistíu por personal técnicu de la Sociedá Pública de Xestión y Promoción Turística y Cultural del Principáu, aseguró sentise sosprendíu porque, “a pesar de conocer Picos d'Europa, siempre ye un paisaxe tan distintu como espectacular”.

El rodaxe, que se lleva a cabu a lo llargo de tola selmana, forma parte de les acciones de promoción qu'impulsa la Conseyería d'Empléu, Industria y Turismu en collaboración cola Oficina Española de Turismu de Munich. Esti trabayu conxuntu reforzóse nos últimos años col establecimientu d'una conexón aérea directa ente Asturies y la capital bávara.

 

Información sobre el documento

© Copyright 2006. Gobiernu del Principau d'Asturies