Gobierno del Principado de Asturias

Asturias, mucho más cerca

Estás en

Aniciu L'Hospital Universitariu San Agustín d'Avilés incorpora la ...
 

Aniciu

L'Hospital Universitariu San Agustín d'Avilés incorpora la última tecnoloxía dixital al equipu de resonancia magnética

- El nuevo sistema, que va movilizar una inversión de 599.918 euros, entrará en serviciu a primeros d’ochobre

22/08/2019

   - La máquina, de 1,5 tesles, va axilizar los estudios, va ameyorar la calidá de la imaxen y va aumentar el confort del paciente

L'Hospital Universitariu San Agustín d'Avilés va abordar dende la selmana qu’entra l’anovación del equipu de resonancia magnética, que va incorporar la última tecnoloxía dixital. La máquina, de 1,5 tesles, va apurrir mayor calidá d'imaxe, lo que va facilitar el diagnósticu per parte del personal clínicu, especialmente n'enfermedaes neurolóxiques y trestornos cardiacos, y va ameyorar l'atención a los pacientes con cáncer. Tamién va entainar los estudios y va aumentar el confort de los usuarios.

La inversión nesti equipamientu tecnolóxicu, que va incrementar les prestaciones del hospital de referencia del área sanitaria III, xube a 599.918 euros.

La tresformación tecnolóxica inclúi l'alquisición de software, hardware, sistema de comunicación, mesa d'esploración y consola de trabayu, amás de la remodelación de l'actual sala de resonancia magnética del Serviciu de Radiodiagnósticu del hospital.

La xerencia del área sanitaria estima que la nueva plataforma va entrar en serviciu'l 8 d'ochobre y que l'actividá va recuperar el so ritmu avezáu con una media d'ente 20 y 24 pacientes diarios, a partir del 14 d'ochobre.

Pa evitar un impactu negativu nes demorances, yá se ta derivando la realización de resonancies a otros centros sanitarios. Otramiente, nel tiempu de parada, los estudios de pacientes hospitalizaos y ambulatorios preferentes tamién se van derivar a otros centros.

 

Información sobre el documento

© Copyright 2006. Gobierno del Principado de Asturias