Gobiernu del Principau d'Asturies

Asturies, muncho más cerca

Tas en

Asturias.es L'Institutu Asturianu de la Muyer va collaborar con un centenar ...
 

Aniciu

L'Institutu Asturianu de la Muyer va collaborar con un centenar d'empreses pa incorporar midíes de conciliación y corresponsabilidá

Un equipu técnicu va visitar los centros pa informar sobre les ventayes d'adoptar acciones pa la igualdá d'oportunidaes. Les sociedaes interesaes van tener asesoramientu pa integrar les recomendaciones na so política de recursos humanos

Un momento de la presentación

16/04/2018

L'Institutu Asturianu de la Muyer presentó güei una campaña de fomentu de la conciliación y de promoción de la corresponsabilidá, que va informar a un centenar d'empreses sobre les ventayes d'adoptar midíes pa la igualdá d'oportunidaes y que va ayudar a ellaborar un plan d'acción naquelles sociedaes interesaes n'incorporar los cambeos.

Un equipu técnicu d'asesoramientu a empreses de la Fundación Mujeres va visitar mientres los dos meses próximos les sociedaes pa entrevistase colos responsables del área de recursos humanos o cola dirección de los negocios y esplica-yos los beneficios probaos d'adoptar les polítiques de conciliación, como la meyora de la imaxe corporativa o l'aumentu de la productividá. “Distintos estudios manifiesten que les empreses que concilien amenorguen nun 30 % l’absentismu llaboral, son un 19 % más productives y amás un 45 % de los trabayadores considera estes midíes clave a la d'escoyer una empresa”, esplicó güei mientres la presentación la directora del Institutu de la Muyer, Almudena Cueto.

El serviciu gratuitu de sensibilización y asesoramientu ta dirixíu a empreses con ente 20 y 249 emplegaos, onde la implementación de planes de conciliación puede tener unes consecuencies directes, y va tratar d'algamar una muestra representativa de distintos sectores d'actividá y distintos conceyos.

Les sociedaes participantes van poder realizar un autodiagnósticu y, si deseyen siguir con un plan pa incorporar les recomendaciones, tienen a la so disposición el serviciu d'ayuda de la Escuela d'Entamadores y Empresaries d'Asturies.

Amás de comunicar les ganancies de les polítiques de conciliación y corresponsabilidá, nes entrevistes, que pela primer vez nesti tipu de campañes van ser presenciales, van proponese acciones concretes a implantar como la xornada intensiva, los horarios flexibles o la posibilidá de disponer de díes llibres non remuneraos pa emerxencies familiares.

Como apoyu a la divulgación, l'Institutu Asturianu de la Muyer diseñó un trípticu col lema Con responsabilidad creamos valor y construimos futuro, qu'incluye tamién información sobre la normativa na materia.

   Icono gráfico alusivo al tipo de archivo Audiu (Audiu: 1 Mb) (n'español)

   Icono gráfico alusivo al tipo de archivo Trípticu (Pdf: 185 Kb) (n'español)

Información sobre el documento

© Copyright 2006. Gobiernu del Principau d'Asturies