Gobiernu del Principau d'Asturies

Asturies, muncho más cerca

Tas en

Asturias.es Temes Seguridá pública Seguridá ciudadana El Sepa desarrolla un plan de desinfecciones en residencies y ...
 

Seguridá ciudadana

El Sepa desarrolla un plan de desinfecciones en residencies y otros centros sociosanitarios p’ameyorar la respuesta énte’l coronavirus

Los bomberos del Serviciu d'Emerxencies realizaron 17 sesiones de llimpieza n'una docena d'equipamientos de Xixón, Siero, Uviéu, Llanes, Llangréu, Llanera, Ibias y Gozón. El Grupu d'Acción Social asiste a 127 persones de colectivos vulnerables nos albergues habilitaos n'Uviéu y Xixón. Dende l'entamu de la crisis, atendiéronse 75. 958 llamaes, 17. 951 d'elles al traviés de les llinies específiques pa resolver consultes sobre'l COVID-19

De izquierda a derecha: Javier Hermosa, Jefe del SAMU; la consejera de Presidencia, Rita Camblor; el coordinador del 112 Asturias, José Luis Fernández, y el gerente del Sepa, Óscar Rodríguez

07/04/2020

.El Serviciu d'Emerxencies del Principáu (Sepa) desenvuelve dende'l 27 de marzu un programa de desinfecciones en residencies de persones mayores, centros sociosanitarios y de salú, y otros equipamientos público y privaos pa tratar d'amenorgar l'espardimientu del coronavirus.

Bomberos d'Asturies llevó a cabu llaboes de llimpieza nos postreros diez díes, con un total de 17 sesiones de trabayu, n'una docena d'establecimientos: les residencies de Cabueñes, Montevil y Espíritu Santu (Xixón), les de Viella y Cuadonga (Siero), la Faustino Sobrino (Llanes), Arcu Iris (Uviéu), la residencia d’ Ibias, el centru xuvenil de Sograndio (Uviéu), la Escuela de Seguridá Pública (Llanera), el centru de salú de La Felguera (Llangréu) y la residencia Costamar (Gozón).

Esti programa forma parte de les iniciatives propuestes pol Grupu d'Acción Social que se punxo en marcha nel entamu de la crisis y nel que participen representantes de los principales organismos implicaos na llucha contra'l COVID-19: la Delegación del Gobiernu n'Asturies, la Conseyería de Derechos Sociales y Bienestar, el Serviciu d'Atención Médica Urxente (Samu), la Federación Asturiana de Conceyos (FACC), Cruz Bermeya y l'Institutu Asturianu de Prevención de Riesgos Llaborales.

Al traviés d'esti grupu habilitáronse recursos p’atender a los colectivos más vulnerables, como les persones ensin llar o aquelles que viven soles y precisen sofitu.

Per una parte, punxéronse en serviciu los albergues de La Teyerona, en Xixón, qu'acueye a 73 persones, y la Residencia Ramón Menéndez Pidal, n'Uviéu, que sirve d'abelugu pa otres 54. La xestión d'estos agospiamientos, qu'empresten asistencia básica a 127 persones, realízase al traviés de Cruz Berrmeya y el departamentu de Protección Civil del Sepa, que supervisa'l so funcionamientu.

El Grupu d'Acción Social asume tamién el siguimientu y control de persones mayores que vienen soles y que pueden solicitar ayuda nel teléfonu 900 100 285. Berrmeya, los servicios sociales municipales y 31 agrupaciones de Protección Civil que suman 580 voluntarios coordinen el suministru d'alimentos, productos d'hixene y melecines. Dende'l 23 de marzu, fecha de la puesta en funcionamientu del serviciu telefónicu, atendiéronse 1.120 llamaes que xeneraron 528 casos.



Teléfonos d'atención pol COVID-19

La sala de coordinación del 112 Asturies xestionó dende l'entamu de la crisis 75.958 llamaes, con una media diaria de 2.713, lo que supón un notable aumento respectu al añu pasáu, cuando se recibieron 1.845 al día. La mayor parte de les atendíes nes últimes selmanes (35.518), fueron de calter sanitariu, con una media diaria de 1.126.

Pa garantizar l'asistencia a emerxencies ordinaries y amenorgar la espera telefónica, a mediaos de marzu púnxose en funcionamientu llinies específiques pa'l COVID-19: 984 100 400 y 900 878 232, al traviés de les que s’atendieron 17.951 llamaes, con una media diaria de 718.

La conseyera de Presidencia Rita Camblor, y el director xeneral de Sector Públicu, Seguridá y Estratexa Dixital, Javier Fernández, visitaron güei les instalaciones del Sepa onde se coordinen estos programes pa estimar l'esfuerzu de la plantiya y les persones voluntaries que collaboren nestes xeres.


Icono gráfico alusivo al tipo de archivo Audiu (Audiu: 820 Kb) (n'español)

Información sobre el documento

© Copyright 2006. Gobiernu del Principau d'Asturies