Gobiernu del Principau d'Asturies

Asturies, muncho más cerca

Tas en

Asturias.es Temes Consumu L'Axencia de Consumu detectó incumplimientos importantes nel ...
 

Consumu

L'Axencia de Consumu detectó incumplimientos importantes nel 6,8% de los establecimientos alimentarios en 2019

L'organismu realizó 8. 178 inspecciones y abrió 436 espedientes sancionadores el pasáu exerciciu. El sector de la restauración sumó la mayor parte de les faltes (68%), siguíu de los supermercaos (11,5%) y de les panaderíes o pasteleríes (6,7%). Salú pon en marcha una campaña de sensibilización en coincidencia col Día Mundial de la Seguridá Alimentaria, que se celebra mañana

06/06/2020

L'Axencia de Seguridá Alimentaria, Sanidá Ambiental y Consumu del Principáu d'Asturies realizó l'añu pasáu 8.178 inspecciones sobre un censu de 13.753 establecimientos alimentarios y detectó incumplimientos importantes nel 6,8% de los casos.

El sector de la restauración sumó'l 68% de les faltes, siguíu de los supermercaos, con un 11,5%, y de les panaderíes o pasteleríes, con un 6,7%.

De los controles realizaos deriváronse 12 suspensiones cautelares d'actividá y abriéronse 436 espedientes sancionadores, de los que 127 correspondieron a 127 empreses d'alimentación, que tuvieron que pagar multes por importe de 563.808 euros.

Per otra parte, en 2019 tamién s'analizaron 586 muestres d'alimentos y xestionáronse 92 alertes alimentarias

El director de l'Axencia de Seguridá Alimentaria, Sanidá Ambiental y Consumu, José Ignacio Altolaguirre, informó d'estos datos por cuenta de la celebración mañana del Día Mundial de la Seguridá Alimentaria; xuna conmemoración que promueve la Organización Mundial de la Salú (OMS) y la Organización pa l'Alimentación y l'Agricultura (FAO), pa concienciar a les persones, a los Gobiernos y a les empreses alimentarias de la so responsabilidá nesti ámbitu. Cada añu nel mundu muerren ceca de trés millones de persones por causa d'enfermedaes tresmitíes por alimentos y agua.



Campaña de sensibilización

Coincidiendo cola conmemoración, l'axencia asturiana, adscrita a la Conseyería de Salú, diseñó una campaña de sensibilización col lema La seguridá alimentaria ta nes tos manes pa recordar a les persones consumidores claves sencielles dirixíes a caltener la seguridá alimentaria n'el mesmu llar.

La iniciativa encamienta estremar la llimpieza, dixebrar los alimentos crudos y cocinos pa evitar la contaminación cruciada, cocinar bien los comestibles y, una vegada preparaos, esfrecelos lo antes posible pa torgar que los xermes se multipliquen.

El director de l'axencia recordó la importancia d'evitar el bagazu d'alimentos y reciclar. “Un terciu de la producción total alimentaria desperdíciase y más del 40% d'esi bagazu xenérase nel comerciu al por menor y nos llares” señaló Altolaguirre.

Más información: https://tematico8.asturias.es/seguridadAlimentaria/

Información sobre el documento

© Copyright 2006. Gobiernu del Principau d'Asturies