Gobiernu del Principau d'Asturies

Asturies, muncho más cerca

Tas en

Asturias.es Temes Infraestructures y territoriu Infraestructures nel Principáu Coxersa va invertir 850.000 euros p’ampliar los accesos a les ...
 

Infraestructures nel Principáu

Coxersa va invertir 850.000 euros p’ampliar los accesos a les sos instalaciones de Serín y axilizar el pesaxe de camiones

El consorciu destina más de 300. 000 euros a la compra de contenedores destinaos a envases y a papel y cartón. El conseyu d'alministración autoriza la campaña de collaboración colos conceyos pa concienciar a la ciudadanía sobre la necesidá de reciclar

23/06/2020

El Consorciu pa la Xestión de Residuos Sólidos d'Asturies (Coxersa) va invertir 854.924 euros na ampliación de los accesos rodaos al centru de tratamientu de residuos, allugáu en Serín, y na modernización del procedimientu de pesaxe de camiones. Dambes actuaciones pretenden aumentar la seguridá y eficiencia de les instalaciones.

El conseyu d'alministración de la entidá adoptó güei esta decisión n'una xunta presidida pol vicepresidente y conseyeru d'Infraestructures, Mediu Ambiente y Cambéu Climáticu, Juan Cofiño, a la que tamién asistieron la viceconseyera de Mediu Ambiente y Cambéu Climáticu, Nieves Roqueñí, y el xerente del consorciu, Santiago Fernández.

L'ampliación d'accesos va incluyir la creación d'un nuevu carril de salida ensin pesaxe, ente que l'actual vial va pasar a ser namás d'entrada. Tamién se va dotar a la instalación d'un nuevu equipu de pesaxe de camiones y va modernizase la informática de los yá esistentes. Coxersa va empecipiar agora los trámites d'axudicación del proyectu, del que les sos obres van tener un plazu d'execución de seis meses.

Per otra parte, el conseyu aprobó tamién una inversión de 300.000 euros pa mercar contenedores destinaos a envases y a papel y cartón, col fin de facer frente a la creciente demanda que se ta produciendo gracies al aumentu sosteníu del reciclaje de residuos.

Amás, Coxersa dio lluz verde al programa d'educación ambiental, al que van poder optar conceyos con una población inferior a 25.000 habitantes. Esti plan pretende concienciar a la ciudadanía sobre la necesidá de que se recicle, siquier, el 50% del pesu de los residuos actuales.

Información sobre el documento

© Copyright 2006. Gobiernu del Principau d'Asturies