Gobiernu del Principau d'Asturies

Asturies, muncho más cerca

Tas en

Asturias.es Families Nel cole Seis centros educativos d’Asturies, reconocíos por Unicef pol so ...
 

Nel cole

Seis centros educativos d’Asturies, reconocíos por Unicef pol so compromisu colos derechos de la infancia y ciudadanía global

La conseyera d’ Educación y la presidenta de la entidá ficieron entrega güei de los diplomes a dos colegios públicos de Castrillón acreditaos esti cursu

La directora general de Ordenación, Evaluación y Equidad Educativa, Paula García; la consejera de Educación, Carmen Suárez, y la presidenta de Unicef Asturias, María José Platero

06/02/2020

La Conseyería d'Educación participó güei nel actu d'entrega de dos reconocencimientos d’Unicef qu'acrediten a los colexos públicos d'educación primaria Castillo Gauzón, de Raices Nuevo, y El Vallín, de Piedras Blancas, dambos de Castrillón, como centros referentes n'Educación en Derechos d'Infancia y Ciudadanía Global.

Na entrega, celebrada güei n'Uviéu, y a la qu'asistió la presidenta de UNICEF Comité Principáu d'Asturies, María José Platero, y l'alcaldesa, Yasmina Triguero, la conseyera, Carmen Suárez, reconoció l'esfuerzu d'estos colexos y animó al restu a sumase a esti tipu d'iniciatives que constitúin una motivación adicional pa trabayar ya introducir estos conteníos nel aula baxo fórmules innovadores y participatives.

El programa Centros referentes en derechos de la infancia y la consiguiente acreditación tien el so orixe nun conveniu suscritu en xunu de 2017 ente la entós Conseyería d'Educación y Cultura y la Fundación Unicef-Comité Español pa promover y espublizar los derechos de la infancia.

Colos dos centros del conceyu de Castrillón yá son seis los que cunten con esta distinción na comunidá y 109 en tol país. Trátase de los colexos d'Educación Infantil y Primaria Bernardo Gurdiel (Grau) y Príncipe d'Asturies (Tapia de Casariego), y les escueles d'Educación Infantil El Texu y Infanta Leonor, dambes de Castrillón.

La convocatoria de los reconocimientos ye de calter añal y ta abierta a tolos centros d'Educación Infantil, Primaria y Secundaria, yá sían públicos, privaos o concertaos, reconocíos como oficiales pola Conseyería d'Educación y/o'l Ministeriu d'Educación y Formación Profesional. Los centros interesaos pueden atopar más información en https://www.unicef.es/educa/centros-referentes

Información sobre el documento

© Copyright 2006. Gobiernu del Principau d'Asturies