Gobiernu del Principau d'Asturies

Asturies, muncho más cerca

Tas en

Asturias.es Temes Infraestructures y territoriu El Principáu entrega 179 títulos de propiedá de finques de la ...
 

Infraestructures y territoriu

El Principáu entrega 179 títulos de propiedá de finques de la concentración parcelaria de Porl.léi-Val.leciel.lu, en Cangas del Narcea

La actuación, con una inversión de medio millón en infraestructuras y viales, beneficia a una de las zonas de actividad ganadera más importante del suroccidente. Mediu Rural ta tramitando anguaño 74 agrupaciones, qu’ afecten a 21.500 hectárees

01/08/2020

El director xeneral d'Infraestructures Rurales y Montes, Fernando Prendes, apurrió güei na localidá de Porl.léi, en Cangas, los títulos de propiedá de les 179 finques de la concentración parcelaria de Porl.léi –Val.leciel.lu. Trátase d'una de les zones ganaderes más importantes del suroccidente asturianu que cunta, anguaño, con 12 esplotaciones de carne, de les que dos son de mocedá de nueva incorporación.

L’área afectada por esta actuación toma 410 hectárees, qu'hasta agora s'atopaben tremaes en 1.120 finques de dimensiones pequeñes. Del total de la superficie, un 80% dedícase a suelu de campera y llabor y un 20% a forestal.

La conseyería executó obres n'infraestructures y viales por importe de mediu millón, que favorecen el tráficu fluyíu polos núcleos rurales y fomenten los accesos y conexones col restu del conceyu.

Cola nueva concentración parcelaria el conceyu de Cangas pasa a tener agrupao más del 60% de la so superficie útil. Toles realizaes hasta'l momentu lleváronse a cabu por iniciativa de les vecines y vecinos.

El director xeneral destacó que l'actuación “ayuda al desenvolvimientu ganaderu y al crecimientu y redimensionamientu de les esplotaciones de la zona, y supón un beneficiu pa los sos habitantes polos trabayos realizaos, mesmo nos pueblos que na redoma”.

La conseyería de Mediu Rural y Cohesión Territorial ta realizando nesta llexislatura un importante esfuerzu de clarificación de la propiedá y redimensionamientu de les esplotaciones pa xenerar suelos agrarios. Nestos momentos, tán en trámite 74 concentraciones parcelaries qu'afecten a 21.500 hectárees, lo que supón un 5% del suelu útil del Principáu. En resolviéndose los espedientes, casi una cuarta parte de los suelos más granibles nes árees ganaderes d'Asturies van tar concentraos.

De los espedientes en cursu, 46 son de concentraciones públiques, qu'afecten a 17.500 hectárees de suelos mayoritariamente de llabor y pastu, un 70% del total; pero tamién d'importantes zones agrícoles, como son les vegues de los ríos, y propiedaes forestales en distintos usos. El restu, 28, son concentraciones privaes qu'afecten a 4.000 hectárees.

Les concentraciones son una ferramienta fundamental pa la constitución d'esplotaciones agraries d'estructura y dimensiones afayadices, lo que les fai más competitives y rentables, y permite amenorgar los costos d'esplotación al retayase los tiempos destinaos a desplazamientos y maniobres que permita la meyora de la rede viaria rural. Al empar, regulariza la situación xurídica de les propiedaes, otru de los oxetivos principales de les actuaciones del Gobiernu del Principáu.


Icono gráfico alusivo al tipo de archivo Audiu (Audiu: 763 Kb) (n'español)

Información sobre el documento

© Copyright 2006. Gobiernu del Principau d'Asturies