Gobierno del Principado de Asturias

Asturias, mucho más cerca

Estás en

Aniciu Temes Ganadería Información sobre ayudes El Gobiernu d'Asturies va abonar esta selmana 13,6 millones ...
 

Información sobre ayudes

El Gobiernu d'Asturies va abonar esta selmana 13,6 millones d'ayudes de la PAC a un total de 6.935 ganaderos asturianos

La conseyera María Jesús Álvarez señaló mientres el certame del Quesu de Gamonéu que'l restu de subvenciones, hasta algamar los 63 millones, van entregase en payares

La directora del Instituto Asturiano de la Mujer y Políticas de Juventud, Almudena Cueto; el consejero de Presidencia y Participación Ciudadana, Guillermo Martínez; el director general de Comercio y Turismo, Julio González Zapico; la consejera de Desarrollo Rural Recursos Naturales, María Jesús Álvarez, y el alcalde de Onís, José Manuel Abeledo.

23/10/2017

La Conseyería de Desenvolvimientu Rural y Recursos Naturales va abonar a los ganaderos asturianos a finales d'esta selmana un anticipu del 70 % de les ayudes de nodriza y vacunu de lleche de la Política Agrícola Común (PAC), lo que supón un total 13.664.094 euros repartíos ente 6.935 beneficiarios, según anunció güei n'Onís la titular d'esti departamentu, María Jesús Álvarez.

D'esta cantidá, 6.952.049 euros correspuenden a subvenciones a nodriza, que van repartise ente 5036 ganaderos, y otros 6.712.044 euros van llegar a 1.899 beneficiarios de les ayudes de vacunu de lleche. La responsable de Desenvolvimientu Rural señaló que'l restu de les ayudes de la PAC, hasta algamar los 63 millones, va pagase en payares.

Álvarez, qu'asistió al 38 Certame del Quesu de Gamonéu y la XIV Feria de los Picos d'Europa, esplicó qu'anguaño la conseyería adelantó'l pagu y incrementó’l so porcentaxe, qu'hasta agora yera del 50 %, “porque la Comisión Europea asina lo permitió de resultes de la seca”. Anque n'Asturies nun se produció esti problema, dende'l Gobiernu del Principáu “trabayemos pa que los nuestros ganaderos reciban l'adelantu y puedan competir asina n'igualdá de condiciones colos d'otros territorios”, añedió la conseyera.

Otra manera, Álvarez resaltó la “medría importante”, un 40 %, qu'esperimentó nos cinco años postreros la producción de quesu Gamonéu nes sos dos variedaes, la del puertu y la del valle, “una de les especialidaes queseres más singulares y valoraes de la nuestra comunidá autónoma”.

La titular de Desenvolvimientu Rural emponderó'l trabayu de los profesionales del Gamonéu, ganaderos y queseros, “porque cada día faen bien el so trabayu pa poner a la nuestra disposición esti manxar” que, nel 2016, algamó una producción de 132.000 quilos, con un valor de mercáu de dos millones.

 

   Icono gráfico alusivo al tipo de archivo Audiu (Audiu: 994 Kb)  (n'español)

Información sobre el documento

© Copyright 2006. Gobierno del Principado de Asturias