Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes El Principado concede 43.900 euros n’ayudes a agricultores y ...
 

Agricultura y montes

El Principado concede 43.900 euros n’ayudes a agricultores y ganaderos pa la contratación de seguros

Estes subvenciones constituyen un instrumentu importante pa favorecer la profesionalización del sector

15/09/2020

El Boletín Oficial del Principáu (Bopa) publica güei la resolución pola que se resuelve la convocatoria de subvenciones para la contratación de les llínees de seguru agrariu combináu correspondientes al mes de xunetu, por un importe de 43.900 euros. Estes ayudes, de les que se beneficien llabradores y ganaderos, faciliten qu'estos profesionales nun tengan que faer frente al pagu total de les pólices. Al mesmu tiempu, favorecen la profesionalización del sector, al dexar que les explotaciones puean encarar les perdes causaes por factores meteorolóxicos adversos, accidentes o enfermedaes del ganáu.

Los destinatarios de les subvenciones son persones físiques o xurídiques con esplotaciones allugaes nel Principáu, que suscribieren una póliza anguaño ente les llínees incluyíes nos planes de seguros agrarios vixentes pa 2020, publicaos pola Entidá Estatal de Seguros Agrarios y aprobaos pol Conseyu de Ministros, o con pólices pendientes de regularizar.

La suscripción del seguru realízase namá al traviés de les entidaes autorizaes pol Ministeriu de Facienda y Alministraciones Públiques ya incluyíes na Agrupación Española d'Entidaes Aseguradores de los Seguros Agrarios Combinaos (Agroseguro) o al traviés de los axentes autorizaos. Too ello llévase a cabu en función de la llei 87/1978, de 28 d'avientu, de Seguros Agrarios Combinaos y el restu de la normativa d'aplicación.

La convocatoria tresañal d'estes ayudes aprobóse n'avientu de 2019 so la modalidá de gastu antemanáu. L'importe autorizáu xube a 800.000 euros, de los que 700.000 correspuenden a esti añu y 100.0000, al que vien.

Información sobre el documento

© Copyright 2006. Gobiernu del Principau d'Asturies