Gobierno del Principado de Asturias

Asturias, mucho más cerca

Estás en

Aniciu Gobiernu Actualidá El Sespa va celebrar el domingo la prueba pa cubrir 232 plazas ...
 

Actualidá

El Sespa va celebrar el domingo la prueba pa cubrir 232 plazas d’auxiliar alministrativu, a les qu’aspiren 20.704 personas

Los exámenes van celebrase nelRecintu Ferial Luis Adaro de Xixón, en turnos de mañana y tarde

05/04/2019

El Gobiernu d'Asturies entama'l próximu domingu, día 7, la prueba del procesu selectivu pa ocupar 232 places de la categoría d'auxiliar alministrativu nel Serviciu de Salú del Principáu (Sespa). Pa l'exame, unu de los más multitudinarios de la ufierta d'empléu públicu, inscribiéronse 20.704 aspirantes.

El test va desenvolvese en Xixón en dos veces, mañana y tarde, nel recintu ferial Luis Adaro, y obligó al Sespa a movilizar un importante dispositivu loxísticu.

Na vez de mañana, los controles d'accesu van abrir a les 8:00 hores y a partir de les 10:00, les aules de los exames. La prueba va dar empiezu a les 11:00 hores. Na vez de tarde, los controles van abrir a les 15:00 hores y les aules, a les 17:00. El test va empezar a les 18:00 hores. Los exames van tener una duración de 120 minutos y los opositores van abandonar les instalaciones siguiendo les indicaciones del personal del Sespa.

Col fin d'entainar l'accesu a los recintos, los aspirantes pueden descargase de la web www.miacreditacion.es una acreditación asemeyada a les tarxetes d'embarque de los aviones, na que figura un códigu d'entrada, les instrucciones xenerales y dellos encamientos, amás d'un planu cola dirección exacta de la sede y la puerta que-yos correspuende.

La Empresa Municipal de Tresportes Urbanos de Xixón (Emtusa) va reforzar les llinies d'autobús urbanu con paraes próximes a la sede del exame, concretamente les llinies 1 (El Cerilleru-Hospital de Cabueñes), 10 (Pumarín-Somió/Hospital de Cabueñes) y 26 (Xixón-Deva).

La prueba enmárcase nuna ufierta d'empléu públicu que va permitir consolidar puestos de trabayu de calidá, dar estabilidá y rebaxar la tasa d'interinidá del Sespa, qu'en 2015 s’asitiaba nel 34% y anguaño ronda'l 20%. Amás, ta previsto qu'en 2020 mengüe hasta'l 8%.

 

Información sobre el documento

© Copyright 2006. Gobierno del Principado de Asturias