Gobiernu del Principau d'Asturies

Asturies, muncho más cerca

Tas en

Asturias.es Asturies garra’l relevu de Bérgamo pa poner en marcha nel 2020 ...
 

Aniciu

Asturies garra’l relevu de Bérgamo pa poner en marcha nel 2020 el certame de quesos más importante del mundu

La directora de Desenvolvimientu Rural, Begoña López, recueye na ciudá italiana’l testigu de la organización del festival. Uviéu va convertise del 4 al 7 de payares na sede de los World Cheese Awards, al que se calcula que van asistir más de 10. 000 persones

izda. a dcha, John Farrand, gerente de The Guild of Fine Food y organizador principal de los World Cheese Awards, tras recoger el queso cabrales con el que entrega a Asturias el testigo del festival; el concejal de Hostelería, Turismo y Congresos del Ayuntamiento de Oviedo, Alfredo García; la Dtora. Gral. de Desarrollo Rural e Industrias Agrarias del Principado de Asturias, Begoña López, y Eugenio Corpas, funcionario del Ayuntamiento de Oviedo

19/10/2019

Uviéu va convertise del 4 al 7 de payares del 2020 na sede del certame de quesos más importante del mundu cola celebración de los World Cheese Awards, principal eventu del Asturies Paraísu Natural International Cheese Festival.

La última edición d’esti certame fíxose en Bérgamo. Nesa mesma ciudá italiana, Begoña López, directora xeneral de Desenvolvimientu Rural y Industries Agraries, simbolizó ayeri nueche la recoyida del testigu del festival cola entrega d’un quesu de Cabrales a la entidá organizadora, Guild of the fine food.

López señaló que la elección del quesu representativo d’Asturies, foi perdifícil, dau’l gran númberu de variedaes que se producen na comunidá autónoma. La directora sorrayó que la celebración d’esti certame supón tanto una oportunidá como una reconocencia al trabayu de ganaderos, llabradores y queseros d’Asturies, amás de valir “pa impulsar tola nuestra industria agroalimentaria”. López felicitó a Bérgamo pola so “magnífica organización” y animó a tolos asistentes a participar nel Asturies Paraísu Natural International Cheese Festival 2020.

Nesta edición, el ganador absolutu foi Roger Creamery, d’Estaos Uníos, que llogró una puntuación de 100 sobre 100, anque Asturies tamién formó parte del palmarés con trés gallardones, algamaos pola quesería Rei Silo. Dos oros pal Rei Silo afuega’l pitu Blanco y otru pal quesu Massimo, que convierten a esta empresa na más premiada de la historia del certame. Nel concursu, participaron unos 3.800 quesos procedentes de tol mundu.

Los World Cheese Awards van cumplir 33 ediciones n’Uviéu. Nesti concursu van participar más de 3.000 quesos y 250 xueces internacionales van encargase de dictaminar cuálos son los meyores. Espérase que más de 10.000 persones asistan al eventu.

El certame, qu’incluye tamién una exhibición de productos, va atrayer al Principáu a críticos y prensa gastronómica, compradores y distribuidores, que van tener la oportunidá de rellacionase de manera directa colos productores y conocer les últimes tendencies de gastronomía y quesu.

Amás, l’Asturies Paraísu Natural Internacional Cheese Festival incluye la organización de munches actividaes en tola rexón nel 2020. Ente elles, un congresu científicu y gastronómicu y una olimpiada de quesos de monte.

   Icono gráfico alusivo al tipo de archivo Audiu (Audiu: 267 Kb) (n'español)

Información sobre el documento

© Copyright 2006. Gobiernu del Principau d'Asturies