Gobiernu del Principau d'Asturies

Asturies, muncho más cerca

Tas en

Asturias.es Temes Vivienda Les ayudes del Principáu a la rehabilitación van dexar realizar ...
 

Vivienda

Les ayudes del Principáu a la rehabilitación van dexar realizar obres de meyora en 2.003 viviendes

El Bopa publica güei la concesión de subvenciones de les que se van beneficiar 87 comunidaes de propietarios

30/12/2019

La Conseyería de Derechos Sociales y Bienestar concedió 7 millones n’ayudes a la rehabilitación d’edificios y viviendes, según publica güei’l Boletín Oficial del Principáu (Bopa), que van beneficiar de manera directa a 2.003 viviendes de 87 comunidaes de propietarios.

A la convocatoria de subvenciones d’anguaño presentáronse 817 solicitúes, con un importe total d’obra de 218 millones, de los que 158 (73 %) correspuenden a meyores enerxétiques, otros 49 millones (23 %) a reformes d’accesibilidá y 11 millones más (4 %) a llabores de caltenimientu de los edificios.

La inversión media en caúna de les viviendes beneficiaes ye de 11.624 euros y el promediu del sofitu que da’l Principáu ye de 3.495 euros por vecín, un 30 % del costu total de cada actuación.

Los sofitos a la rehabilitación son ún de los motores del sector de la construcción nel Principáu pola actividá económica que xeneren nes empreses de reformes de la rexón. Amás, ayuden a protexer el mediu ambiente, amás de dexar el caltenimientu afayadizu y seguru de les construcciones, tanto pa les persones qu’habiten nellos como pa terceros.

Estes ayudes, convocaes nel marcu del Plan Estatal de Vivienda 2018-2021 y del conveniu soscritu’l 29 d’agostu del 2018 ente’l Principáu y el Ministeriu de Fomentu, van destinaes a financiar les obres y trabayos de caltenimientu, la meyora de l’accesibilidá y la eficiencia enerxética de les viviendes y edificios construyíos primero de 1996, nos que polo menos el 50 % de los pisos destínense a casa habitual de los sos propietarios o inquilinos. Los beneficiarios d’estes subvenciones son les comunidaes de propietarios, les agrupaciones de comunidaes y propietarios únicos.

Información sobre el documento

© Copyright 2006. Gobiernu del Principau d'Asturies