Gobiernu del Principau d'Asturies

Asturies, muncho más cerca

Tas en

Asturias.es Emigrantes El Gobiernu d'Asturies destinó l'añu pasáu 139.475 euros a ...
 

Emigrantes

El Gobiernu d'Asturies destinó l'añu pasáu 139.475 euros a ayudes d'emerxencia pa 140 emigrantes retornaos

La primer convocatoria d'estes subvenciones en 2020 dedica otros 29. 350 euros a facilitar el regresu al Principáu de quince persones, la mayoría procedentes de Venezuela

08/05/2020

El Gobiernu d'Asturies destinó l'añu pasáu una partida de 139.475 euros a la concesión d'ayudes económiques a emigrantes retornaos pa atender gastos escepcionales derivaos del so regresu o facer frente a situaciones d'emerxencia.

D'esti programa beneficiáronse 140 persones, procedentes d'una ventena de países, fundamentalmente d’Hispanoamérica, anque hai emigrantes retornaos de tolos continentes sacante África. Tres el so regresu al Principáu, asitiáronse en casi una trentena de conceyos, magar la mayoría moren en Xixón (48) y Uviéu (37).

Per países, la mayor parte de los receptores de les ayudes económiques llegaron dende Venezuela (88), Cuba (11), México (9), Arxentina (7), Brasil (4), Rusia (4), República Dominicana (3) y Bélxica (2). El restu tornaron d'Australia, Chile, China, Colombia, Ecuador, Estaos Xuníos, Francia, Guatemala, Noruega, Puertu Ricu, Reinu Uníu y Uruguai.

El Principáu yá aprobó la primer convocatoria d'estes ayudes correspondiente a esti añu, que va destinar 29.350 euros a quince asturianos retornaos, la mayor parte de los cualos lleguen dende Venezuela.

Información sobre el documento

© Copyright 2006. Gobiernu del Principau d'Asturies