Gobiernu del Principau d'Asturies

Asturies, muncho más cerca

Tas en

Asturias.es La gastronomía asturiana protagoniza les xornaes qu’ufierten ...
 

Aniciu

La gastronomía asturiana protagoniza les xornaes qu’ufierten dende güei los restaurantes d’El Corte Inglés en toa España

El Club de Guisanderes diseñó los menús, que se van sirvir hasta el próximo día 28

de izquierda a derecha: El director de Restauración de El Corte Inglés, Guillermo Arcenegui; el director general de Comercio y Turismo, Julio González Zapico; y, la presidenta del Club de Guisanderas, Amada Álvarez

19/05/2017

El director xeneral de Comerciu y Turismu, Julio González Zapico, presentó güei en Madrid les xornaes gastronómiques Asturies, Paraísu Natural qu'ufierten los restoranes d'El Corte Inglés en toa España. Esta iniciativa, impulsada pol Principáu en collaboración col Club de Guisanderas y estos grandes almacenes, pretende reforzar la promoción turística de la comunidá.

Les xornaes van celebrarse hasta'l próximu día 28, con una carta de menúes diseñada pol Club de Guisanderas, que contribuyó a la iniciativa con delles de les sos meyores recetes y collaboró tamién colos responsables de cocina de los restoranes participantes. Esta asociación, qu'empecipió la so actividá en 1997 con 13 guisanderas y supera yá les 40, aspira a caltener la cocina tradicional d'Asturies.

La fabada, les croquetes de quesu de Cabrales, los chorizos a la sidra y el pitu guisáu con mazana y uves pases son dalgunos de los platos típicos que podrán tastiase.

Na presentación d'esta iniciativa tamién participaron el director de Restauración d'El Corte Inglés, Guillermo Arcenegui; el director de Comunicación y Promoción de Viaxes El Corte Inglés, Fernando Tomás, y la presidenta del Club de Guisanderas, Amada Álvarez.

Esta acción de sofitu al sector turísticu asturianu surde nel marcu del contratu de promoción y comercialización impulsáu pola Conseyería d'Empléu, Industria y Turismu y del que resultó axudicataria la UTE formada por Iberia, Air Nostrum, Vueling, Alsa y Viaxes El Corte Inglés. El plan inclúi acciones de promoción en distintos soportes por parte d'estas empresas.

Información sobre el documento

© Copyright 2006. Gobiernu del Principau d'Asturies