Gobiernu del Principau d'Asturies

Asturies, muncho más cerca

Tas en

Asturias.es Temes Europa El presupuestu de Facienda va permitir reforzar la participación ...
 

Europa

El presupuestu de Facienda va permitir reforzar la participación de Asturias nes instituciones europees ya impulsar el desarrollu del programa de prevención de la ludopatía

La conseyería, con 35. 998. 863 euros, amenorga notablemente la so asignación pol trespasu de competencies de resultes de la nueva estructura del gobiernu. Ana Cárcaba, titular del departamentu, sorraya la importancia de que'l proyectu seya aprobáu pa fortalecer l'Estáu de bienestar, fomentar la economía o combatir la despoblación. La Dirección Xeneral d'Asuntos Europeos va cuntar con casi un millón y va trabayar pa que'l Principáu tenga una presencia activa na tomade decisiones de la UE

18/12/2019

La Conseyería de Facienda foi la encargada de cerrar güei la ronda de comparecencies na Xunta Xeneral por cuenta de la presentación de los Presupuestos Xenerales del Principáu pa 2020. El departamentu que dirixe Ana Cárcaba refundia unes cuentes pa l'añu que vien que xuben a 35.998.863 euros, lo que supón 34 millones menos qu'en 2019. L'amenorgamientu vien determináu na so mayor parte pol trespasu de competencies dende la conseyería de Facienda a otros departamentos, de resultes de la nueva estructura del gobiernu nesta llexislatura.

Cárcaba, antes d'esbillar dellos apuntes sobroe les cuentes de la so conseyería, repitió la necesidá de que'l Principáu tenga unos presupuestos colos que s'asegure'l fortalecimientu del Estáu del bienestar de la rexón; foméntese l'actividá económica, combátase la despoblación del mundu rural o s'incentive la ciencia, la innovación y l'empléu, ente otros oxetivos.

Pa 2020, Facienda va tener especial atención escontra les nueves competencies en materia d'Asuntos Europeos y Xuegu y va caltener les inversiones nel caltenimientu d'edificios públicos. Por exemplo, no que se refier a Xuegu, la conseyería prevé aumentar la dotación prevista pal desenvolvimientu d'actividaes venceyaes al Programa de Prevención de la Ludopatía (2018/2020).

En materia de Patrimoniu, la Dirección Xeneral va cuntar con 721.000 euros pa distintes inversiones dirixíes al caltenimientu y meyora de los inmuebles públicos como, por casu, l'edificiu del Easmu, o la sede del Institutu d'Alministración Pública Adolfo Posada.



Fondu de Transición Xusta

La nueva DirecciónXeneral d'Asuntos Europeos parte con una asignación de casi un millón d'euros pal añu que vien. El so trabayu va centrase principalmente en dos árees: la coordinación de los Asuntos Europeos y la programación y siguimientu de Fondos Europeos.

La Dirección Xeneral va tar especialmente activa tocantes a la participación del Principáu na toma de decisiones a nivel européu, les actividaes de promoción d'Asturies en Bruxeles mesmo que la mesma realización d'acciones de promoción de les instituciones de la Unión Europea nel Principáu. Amás, prevese un sofitu suplementariu pa esti añu d'entamu d'actividá de la Dirección Xeneral, yá que s’ha tener en cuenta la inminente negociación del Marcu Financieru Tresañal de la Unión Europa, y la más que probable creación del Fondu de Transición Xusta. Un fondu, esti postreru, onde Asturies tien que xugar un papel importante na toma de decisiones, una y bones el Principáu ha ser una de les comunidaes a les que se-yos ayuda pa llevar a cabu la transición del so modelu enerxéticu.



Niveles d'execución

La conseyera de Facienda tamién fixo una curtia repasada de la execución presupuestaria al zarru de 2018 y a 30 de payares d'anguaño. No que se refier a 2018, la execución de los ingresos algamó'l 98,5% y la de los gastos asítiase nel 96%.

No que se refier a la execución a 30 de payares, los gastos algamen el 75,8% y los ingresos el 80,7%.

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies