Gobiernu del Principau d'Asturies

Asturies, muncho más cerca

Tas en

Asturias.es L’HUCA va humanizar l’área de pediatría pa ufiertar un espaciu ...
 

Aniciu

L’HUCA va humanizar l’área de pediatría pa ufiertar un espaciu más atopadizu a los pacientes y les sos families

La reforma va basase nel proyectu Territorio lúdico, ganador del concursu d'idees convocáu pola Fundación Aladina y el Colexu d'Arquitectos d'Asturies. Les meyores tienen un presupuestu de 60. 000 euros y van aplicase na sala d'espera, les unidaes de cuidaos, l'hospital de día y les habitaciones d'hospitalización

La directora general de Planificación Sanitaria, Concepción Saavedra, y el gerente del área sanitaria IV, Luis Hevia, con los representantes de la Fundación Aladina y del Colegio de Arquitectos de Asturias, y los ganadores del concurso

08/01/2019

L'Hospital Universitariu Central d'Asturies (HUCA) va poner en marcha un proyectu d’humanización en toles árees nes que s'empresta atención pediátrica cola mira de consiguir un espaciu meyor, alcontradizu y atopadizu pa tolos pacientes hasta los 18 años, los sos familiares y visitantes.

La intervención, que se va llevar a cabu en primavera, cunta con un presupuestu d'unos 60.000 euros, que van ser financiaos pola Fundación Aladina, y incluye actuaciones nes unidaes de cuidaos, l'hospital de día pediátricu, les puertes de la UCI, el patiu interior de pediatría y les habitaciones d'hospitalización.

La reforma va basase nel proyectu Territorio lúdico, que foi'l ganador del concursu d'idees pa la humanización d'estos espacios entamáu pol Colexu Oficial d'Arquitectos d'Asturies y la Fundación Aladina. El trabayu propón convertir “el cubu blancu, fríu y asépticu de sales d'espera, habitaciones d'hospitalización, UCI… nun llenzu grande en blancu, un territoriu lúdicu que sería una páxina d'un cuentu por descifrar”, según los autores del proyectu, les arquitectes Beatriz Fernández Sánchez y Clara Fernández Sánchez; la ilustradora Alicia Varela Caso, y el diseñador gráficu Eduardo Soares Gomes.

L'oxetivu “ye favorecer una esperiencia d'inmersión, na que los visitantes, ingresaos y trabayadores aspiren a reinterpretar l'espaciu y la so redolada, dexando volar la imaxinación activa y la rellación ente pensamientu, sentimientu y fantasía”, esplicaron los sos responsables.

La directora xeneral de Planificación Sanitaria, Concepción Saavedra, apurrió güei’l premiu del concursu a los autores del proyectu nun actu celebráu nel mesmu hospital y entamáu pola Fundación Aladina y el Colexu d'Arquitectos.

El xuráu qu'escoyó'l proyectu destacó “la so cencellez y la so capacidá pa incluyir toles edaes, dende neonatos, hasta neños y adolescentes, inclusive a los sos padres”.

 

Información sobre el documento

© Copyright 2006. Gobiernu del Principau d'Asturies