Gobiernu del Principau d'Asturies

Asturies, muncho más cerca

Tas en

Asturias.es Los museos Arqueolóxicu y Belles Artes rexistraron en 2017 el ...
 

Aniciu

Los museos Arqueolóxicu y Belles Artes rexistraron en 2017 el mayor númberu de visitantes de la so historia

El Muxa algamó les meyores cifres d’asistencia nun añu nel que los principales equipamientos superaron les 800. 000 visitas

17/05/2018

El Muséu Arqueolóxicu y el Museo de Belles Artes de Asturias rexistraron l’añu pasáu el mayor númberu de visites de la so historia y consoliden d'esta miente la so llinia ascendente nes cifres d'asistencia.

El Muséu Arqueolóxicu, xestionáu pola Conseyería d'Educación y Cultura, algamó les 51.778 visites, un 10,98% más qu'en 2016, cuando fueron 46.695. Pela so parte, el Belles Artes superó'l récord que yá marcara l'añu anterior, con 89.507 visitantes, y recibió 90.090 en 2017.

L'Arqueolóxicu, que tien una pervalible colección y acueye una esposición permanente de referencia nacional, algama'l so meyor cifra d'asistencia en diversificando nos últimos años la so programación d'actividaes y abrir los sos espacios a muestres temporales d'alta calidá, lo que lu convirtió nun foru cultural de primer orde na comunidá.

Lo mesmo que nos últimos años, el Muséu del Xurásicu d'Asturies (Muxa), con 165.975 visites, encabeza'l ránking d'asistencia.

En xunto, los principales equipamientos d'Asturies rexistraron más de 800.848 visites, una cifra que confirma los bonos resultaos del trabayu realizáu pa supèrar la calidá de la so ufierta espositiva y de la so programación d'actividaes culturales y educatives.

Mañana celébrase'l Día Internacional de los Museos sol lema Museos hiperconectados: enfoques nuevos, públicos nuevos, polo que los centros espositivos de la comunidá convocaron actividaes especiales.

Por casu, el Muséu Arqueolóxicu programó trés visites dirixíes especiales pela mañana, con capacidá para 25 persones. Son les siguientes:

   - 11:00 hores: Biblioteca intramuros, por Sofía Díaz Rodríguez.

   - 12:00 hores: Epigrafía altoimperial nel muséu. Una llectura social, por Ángel Villa Valdés.

   - 13:00 hores: ¿Qué dicen les piedres prerromániques del muséu sobre'l Reinu d'Asturies, por César García de Castro Valdés.

Amás, a les 19.00 hores, l'arqueólogu Ángel Villa va presentar delles pieces inédites nel actu La primer metalurxa del fierro n'Asturies: los puñales d'antenes del muséu.

Pela so parte, el Belles Artes tamién entama un percorríu denomináu Diálogos ente la donación de Plácido Arango y l'esposición permanente. La pinacoteca va enllargar la so ufierta especial hasta'l domingu con visites xenerales a les obres maestres de l'ampliación y el taller pa neños La obra convidada y cuadros cantaos, una actividá especial a cargu del artista Igor Paskual.

Tamién el Muxa, el Parque de la Prehistoria, el Centru d'Arte Rupestre Tito Bustillo y el Centru d'Interpretación del Prerrománicu convoquen xornaes de puertes abiertes y actividaes especiales dende mañana y hasta’l próximu domingu.

La ufierta diseñada con motivu del Día Internacional de los Museos puede consultase nel siguiente enllaz:

https://www.asturias.es/Asturias/descargas/PDF_TEMAS/Cultura/promocion/2018_05_02_03_actividades_.pdf

Información sobre el documento

© Copyright 2006. Gobiernu del Principau d'Asturies