Gobierno del Principado de Asturias

Asturias, mucho más cerca

Estás en

Aniciu Infraestructures va empecipiar el día 22 les obres na carretera ...
 

Aniciu

Infraestructures va empecipiar el día 22 les obres na carretera ente El Escamplero y La Granda, con una inversión de 4,2 millones

L'actuación, que va suponer una meyora sustancial del trazáu y de la seguridá del vial, tien un plazu de 24 meses

05/06/2020

La Conseyería d'Infraestructures, Mediu Ambiente y Cambéu Climáticu va empecipiar el próximu 22 de xunu les obres d'acondicionamientu del tramu que comunica L’ Escampleru y La Granda, n'Uviéu, que forma parte de la carretera AS-233 (Trubia- Los Campos).

El Principáu va invertir 4.255.054 euros p'actuar sobre 6,7 kilómetros nun plazu de 24 meses. Les obres van empecipiar cola construcción d'un nuevu sistema de drenaxe y na primer quincena de xunetu van empezar los trabayos de movimientu de tierres.

El proyectu inclúi la meyora del trazáu y l'enanche de la plataforma, hasta llograr una calzada de 6,30 metros d'anchor, con dos carriles de 3 metros caúnu, más un espaciu de 0,15 a cada llau pa la señalización horizontal.

Los trabayos van suponer una meyora sustancial de la carretera, tanto nel trazáu como nes sos característiques xenerales, y na seguridá vial.

Asina, ta prevista la remodelación de la intersección inicial del tramu, onde se va construyir una glorieta de 66 metros de diámetru esterior y una calzada en forma d'aníu de 2 carriles con 4 metros d'anchor y cuatro brazos pa favorecer la circulación en dellos sentíos: l'AS-233 en dirección a Trubia, l'AS-232 escontra San Cloyo, l'AS-234 en dirección a Santuyanu, na que s'alluga la conexón cola carretera a Premoñu, y l'AS-233 escontra Los Campos. Esta actuación quier esaniciar por completo los actuales xiros a la izquierda y ameyorar la visibilidá. Pa ello, ente otres midíes, van instalase puntos de lluz na contorna esterior de la glorieta.

Na parte Entemedia del trazáu ameyorará la intersección actual cola carretera AS-240, escontra Posada de Llanera y San Cucao, dotándola d'anchor y visibilidá abondes pa realizar los xiros en condiciones de seguridá.

A lo llargo del percorríu, la conseyería va executar cinco murios de sostenimientu y contención, que sumen 155 metros en total, y delles cunetes. Finalmente, va asitiase la señalización vertical y horizontal, abalizamientu y defenses.

Per otru llau, van habilitase cuatro zones pa la parada d'autobuses alredor de la glorieta d'El Escamplero, col fin de dar serviciu, en dambos sentíos, a les llinies Uviéu-Premoñu (per Mariñes) y al bus escolar Santuyano-Tahoces. D'esta miente, evítase'l riesgu que supón l'actual parada de bus, asitiada na mesma calzada.

Información sobre el documento

© Copyright 2006. Gobierno del Principado de Asturias