Gobiernu del Principau d'Asturies

Asturies, muncho más cerca

Tas en

Asturias.es Temes Emplegu Las estimaciones de la Encuesta de Población Activa apunten a un ...
 

Emplegu

Las estimaciones de la Encuesta de Población Activa apunten a un r impactu menode la crisis n’Asturies que nel conxuntu del Estáu

La EPA calcula una reducción del desempléu del 3,62% nel Principáu, frente a un incrementu nacional del 1,66%. La cayída de la ocupación, qu’algamó’l 4,21%, tabién foi inferior a la estatal, del 5,46%

28/07/2020

Asturies cerró'l segundu trimestre del añu con 2.400 paraos menos qu'ente los meses de xineru y marzu, lo que supón un descensu porcentual del 3,62% frente al aumentu esperimentáu nel conxuntu del país (+1,66%). Asina lo reflexa la Encuesta de Población Activa (EPA) publicada esta mañana pol Institutu Nacional d'Estadística (INE), qu'asitia la cifra total de persones desocupaes en 62.700 y la tasa de paru nel 14,45%, inferior a la media nacional.

En términos interañales la encuesta tamién calcula un descensu del desempléu en 800 persones (-1,27%) y asitia al Principáu ente les siete comunidaes autónomes con retrocesos nel paru envaloráu.

L’INE alvierte, sicasí, que la pandemia provocada pola COVID-19 y l'estáu d'alarma, vixente na mayor parte del segundu trimestre, según les distintes fases de la desescalada, condicionaron la ellaboración de la encuesta y les distintes variables reflexaes. Asina, nesta edición cobra especial importancia'l grupu d'inactivos, esto ye, aquelles persones que nun tán buscando empléu viviegamente y que queden escluyíes de la consideración de paraes al nun poder utilizar nengún métodu de busca de trabayu, que nel casu d'Asturies suponen 17.700 persones.

A pesar de los descensos del desempléu, l'impactu de la paralización de l'actividá económica por cuenta de la crisis sanitaria tamién se reflexa na EPA, como lo amuesa'l descensu de la ocupación trimestral en 16.300 empleos (-4,21%) en tolos sectores sacantes la industria. Sicasí, tamién nesti casu l'amenorgamientu ye inferior al nacional (5,46%).

La directora xerente del Serviciu Públicu d'Empléu del Principáu (Sepepa), Pilar Varela, destaca la singularidá d'esta EPA y asegura que los datos reafiten l'apueste del Gobiernu d'Asturies por caltener y afondar nes polítiques d'empléu y de sofitu a los colectivos con mayores dificultaes d'insertamientu nel mercáu llaboral.


Icono gráfico alusivo al tipo de archivo Audiu (Audiu: 1 Mb)(n'español)

Información sobre el documento

© Copyright 2006. Gobiernu del Principau d'Asturies