Gobiernu del Principau d'Asturies

Asturies, muncho más cerca

Tas en

Asturias.es Temes Servicios sociales Portal Socialasturias El Principáu solicita más material de protección pa ...
 

Portal Socialasturias

El Principáu solicita más material de protección pa profesionales del sistema de servicios sociales y colectivos vulnerables

La conseyera Melania Álvarez pide que’l repartu del fondu social estraordinariu tenga en cuenta’l pesu de la población potencial en riesgu

20/03/2020

La conseyera de Derechos Sociales y Bienestar, Melania Álvarez, solicitó güei más material sanitario de protección pa los profesionales del sistema de servicios sociales y pa los colectivos vulnerables. Tamién treslladó la conveniencia d’aumentar la coordinación ente los ministerios de Sanidá y Derechos Sociales y Axenda 2030.

Melania Álvarez espresó estos pidimientos nel plenu estraordinariu del Conseyu Territorial de Servicios Sociales y del Sistema pa l’Autonomía y l’Atención a la Dependencia, celebráu por videoconferencia. La conseyera manifestó la necesidá de suministrar material protector a les plantiyes de les residencies públiques y privaes, centros de persones con discapacidá y personal del serviciu d’ayuda en casa, amás d’a quien tán en situación de más vulnerabilidá.

“Nun paez sensato que nesta situación, na que les persones mayores son ún de los colectivos de más riesgu, s’escaeciere’l pesu de la población potencial en riesgu a la hora d’establecer el repartu”, sorrayó la conseyera. Asturies, recordó, rexistra la edá media más alta de toa España, cinco puntos percima de la media. “Un 25,7 % de la nuestra población supera los 65 años y la inversión total en recursos y servicios pa persones mayores y dependientes supera los 257 millones, el 30 % del presupuestu de la conseyería. Nun tamos conformes colos criterios presentaos hasta agora pal repartu del fondu social estraordinariu destináu esclusivamente a les consecuencies del COVID-19”, sorraya la titular de Derechos Sociales.

Al so xuiciu, resulta fundamental tener tamién en cuenta la regla de redistribución que sofita a les comunidaes con menos renta per cápita. “Sicasí sí s’incorporaron al repartu les que tienen réxime foral”, añedió Álvarez.

Información sobre el documento

© Copyright 2006. Gobiernu del Principau d'Asturies