Gobierno del Principado de Asturias

Asturias, mucho más cerca

Estás en

Aniciu Temes Europa Fondos Estructurales y d’Inversión Europeos La execución del Programa Operativu Fondu Social Européu ...
 

Fondos Estructurales y d’Inversión Europeos

La execución del Programa Operativu Fondu Social Européu 2014-2020 algama los 50 millones, el 46 % del presupuestu total

Esta iniciativa impulsa acciones d’emprendimientu y educación y sofita a los colectivos con más dificultaes pa entrar en mercáu llaboral. Hasta agora fixéronse cursos pa persones ensin trabayu y internos del Centru Xuvenil de Sograndio, programes locales d’emplegu y actuaciones educatives, ente otres midíes

De izquierda a derecha, Noelia Mier y Ana Viejo, ambas de la Comisión Europea; Alfredo Giménez, de la Autoridad de certificación; Enrique Felip, de la Autoridad de gestión; Begoña Ruiz, subdirectora general adjunta de UAFSE, y Luisa Pérez, directora de Sepepa

28/05/2019

El Programa Operativu Fondu Social Européu 2014-2020 algamó una execución del 46 % del so presupuestu, lo que supón inversiones por valor de 50 millones, que se dedicaron a cursos de formación pal emplegu destinaos a colectivos de mal inxertamientu en mercáu llaboral y programes de meyores educatives, incluyíes acciones con internos del Centru Xuvenil de Sograndio.

El comité de siguimientu, encargáu de comprobar la marcha del proyectu, axuntóse güei p’analizar les iniciatives financiaes col presupuestu que, en global, algama los 108,7 millones pa siete años. Los fondos tán cofinanciaos nun 80 % (87 millones) pola Unión Europea y nel 20 % restante (21,7 millones), pol Principáu.

L’oxetivu principal ye sofitar iniciatives d’emprendimiento, educación y inclusión social y aunir esfuercios pa respaldar a los colectivos con más dificultaes pa entrar o caltenese en mercáu llaboral. El programa tamién incorpora’l principiu d’inclusión social y financia iniciatives destinaes a persones moces desemplegaes, paraos de duración llarga, persones con discapacidá, muyeres con dificultaes especiales, minoríes étniques y inmigrantes.

Hasta’l momentu, n’Asturies desenvolviéronse estes actuaciones:

   - Cursos de formación pal emplegu empobinaos a persones desemplegaes, sobre manera de duración llarga, y a colectivos con dificultaes especiales d’inxertamientu llaboral.
   - Formación pa mocedá nel Centru Xuvenil de Sograndio.
   - Itinerarios integrales d’activación n’ámbitu local, dientro de los programes locales d’emplegu.
   - Programes de meyora del aprendimientu y del rindimientu n’ámbitu educativu.
   - Formación profesional a distancia.
   - Ayudes al emprendimientu como’l tique del autónomu.

 

Información sobre el documento

© Copyright 2006. Gobierno del Principado de Asturias