Gobiernu del Principau d'Asturies

Asturies, muncho más cerca

Tas en

Asturias.es Temes Servicios sociales El Principáu impulsa la Declaración Oviedo pa promover la salú y ...
 

Servicios sociales

El Principáu impulsa la Declaración Oviedo pa promover la salú y el bienestar social na población xitana

Les alministraciones autonómiques y nacionales van formalizar la firma col Conseyu Estatal del Pueblu Xitano mañana a les 9:30 hores nel Palaciu d'Esposiciones y Congresos

18/11/2019

El Gobiernu d'Asturies impulsó la Declaración Oviedo pa promover la salú y el bienestar social na población xitana. El documentu supón un cambéu nes dinámiques d'intervención, nes que pela primer vez s’articula la coordinación ente distintes alministraciones con perspectiva de determinantes sociales nos diagnósticos y cuntando cola participación activa de la comunidá xitana.

El testu establez unos compromisos basaos na evidencia científica y nes recomendaciones de los organismos internacionales que pueden ser estrapolables a cualquier ámbitu de promoción de la salú sobre poblaciones vulnerables o en riesgu d'esclusión.

Estes intervenciones provoquen un impactu positivu nes poblaciones de referencia y nel conxuntu d'indicadores sanitarios y de bienestar de la población en xeneral.

La Conseyería de Salú del Principáu d'Asturies propunxo esti documentu de consensu que foi ratificáu pola Comisión Permanente del Conseyu Estatal del Pueblu Xitano, la Comisión Delegada de Servicios Sociales del Conseyu Territorial de Servicios Sociales y del Sistema pa l'Autonomía y Atención a la Dependencia, y la Comisión de Salú Pública del Conseyu Interterritorial del Sistema Nacional de Salú.

La firma va formalizase mañana a les 9:30 hores nel Palaciu d'Esposiciones y Congresos d'Uviéu, depués de la inauguración del alcuentru monográficu sobre Salú y Población Xitana Los determinantes sociales en el diagnóstico y la participación ciudadana en la solución, que va empezar a les 8:45 hores.

El conseyeru de Salú, Pablo Fernández Muñiz; el secretariu xeneral de Sanidá y Consumu, Faustino Blanco; la vicepresidenta segunda del Conseyu estatal del Pueblu Xitano, Beatriz Carrillo de los Reyes; la conceyala delegada d'Educación, Salú Pública y Consumu d'Uviéu, Yolanda Vidal; el director xeneral de Servicios pa les Families y la Infancia del Ministeriu de Sanidá, Consumu y Bienestar Social, Ángel Parreño y la directora xeneral de Servicios Sociales y Mayores del Principáu d'Asturies, Trinidad Suárez Rico, van firmar esti documentu nacional, pioneru n'Europa.

Información sobre el documento

© Copyright 2006. Gobiernu del Principau d'Asturies