Gobiernu del Principau d'Asturies

Asturies, muncho más cerca

Tas en

Asturias.es El Principáu invierte 861.900 euros na renovación del pavimentu ...
 

Aniciu

El Principáu invierte 861.900 euros na renovación del pavimentu de la carretera que xunta Santolaya-El Campo y La Carrera, en Morcín

El vicepresidente y conseyeru d’Infraestructures, Mediu Ambiente y Cambéu Climáticu, Juan Cofiño, visita la obra, a puntu de rematase

04/12/2019

El Gobiernu d’Asturies invirtió 861.900 euros nes obres de renovación del pavimientu de la carretera MO-2, que xunta Santolaya-El Campo y La Carrera, en Morcín. El vicepresidente y conseyeru d’Infraestructures, Mediu Ambiente y Cambéu Climáticu, Juan Cofiño, visitó güei la obra, que ta a puntu de rematase.

L’arreglu d’esta vía, mui reclamáu polos vecinos, consistió na reposición integral del asfaltu, cola estensión d’una capa de regularización de mezcla bituminoso sobre’l pisu existente, d’una espesura de 1,5 centímetros, y depués, una capa de rodadura tamién de mezcla bituminoso en caliente de 4 centímetros de gordor.

L’actuación complétase cola meyora del drenaxe existente, la instalación y reposición de barreres de seguranza, elementos de balizamientu y señalización vertical y horizontal.

Cofiño visitó la obra acompañáu de la directora xeneral d’Infraestructures, Esther García, y del alcalde de Morcín, Maximino García. Amás, anunció que l’añu que vien va completase la cuneta nesta carretera, nun llargor de 800 metros, por un importe de 35.000 euros.

Información sobre el documento

© Copyright 2006. Gobiernu del Principau d'Asturies