Gobiernu del Principau d'Asturies

Asturies, muncho más cerca

Tas en

Asturias.es La Conseyería d'Infraestructures va invertir 1,6 millones ...
 

Aniciu

La Conseyería d'Infraestructures va invertir 1,6 millones n'acondicionar la carretera de Llonín, en Peñamellera Alta

Les obres de reparación de la vía, que conecta cola AS114 (Cangues d’ OnísPanes), van axudicase en branu

De izquierda a derecha: El director general de Infraestructuras y Transportes, José María Pertierra; el consejero de Infraestructuras, Ordenación del Territorio y Medio Ambiente, Fernando Lastra; y el alcalde de Peñamellera Alta, José Antonio Roque

11/02/2019

La Conseyería d'Infraestructures, Ordenación del Territoriu y Mediu Ambiente va empezar esti añu les obres d'acondicionamientu de la carretera de Llonín (PA-2), en Peñamellera Alta, que va enanchar la so calzada pa dexar que dos vehículos se crucien con seguridá.

Nuna visita al conceyu, el conseyeru, Fernando Lastra, esplicó que les meyores sobre los 1.600 metros d'esta vía que conecta l'AS-114 (Cangues d'Onís-Panes) cola población de Llonín, tienen un presupuestu de casi 1,7 millones y un plazu d'execución de 24 meses a partir de la so axudicación, prevista pal branu.

L'arreglu de la carretera inclúi l'enanche de la calzada hasta algamar los 5,50 metros en tol trazáu, con sobreanchos nes curves; la so regularización superficial y la rehabilitación del firme, pa correxir les sos deformaciones y dotalo de capacidá p'aguantar el tráficu y los fenómenos meteorolóxicos adversos. Primeramente, va llimpiase tola carretera en dambes marxes.

Amás van sustituyise les cuatro pontes sobre los ríos Rubia, Los Puntíos, Laxaya y Lafuente por otros nuevos y van executase 17 murios d'escollera. A lo último, va rediseñase la rede de drenaxe y va impulsase la integración ambiental de los pequenos tramos de carretera que van quedar abandonaos col nuevu trazáu.

Per otru llau, en Llonín, concretamente nes cercaníes de La Molinuca, atópase un yacimientu paleolíticu de primer orde conocíu tradicionalmente como Concha la Cova o Cueva del quesu, que foi declaráu patrimoniu de la humanidá pola Unesco en 2008, y que va ver tamién favorecíu’l so accesu con esta actuación.

 

   Icono gráfico alusivo al tipo de archivo Audiu (Audiu: 530 Kb) (n'español)

Información sobre el documento

© Copyright 2006. Gobiernu del Principau d'Asturies