Gobiernu del Principau d'Asturies

Asturies, muncho más cerca

Tas en

Asturias.es Información de los Conceyos El to Conceyu Asturias y Euskadi sienten las bases pa crear una rede ...
 

El to Conceyu

Asturias y Euskadi sienten las bases pa crear una rede experimental de pequeños pueblos que promuevan nuevos modelos económicos

El comisionáu pal Retu Demográficu y la Sociedá d'Estudios Vascos roblen un documentu de collaboración pa buscar soluciones al despoblamientu rural. L'oxetivu ye establecer unos principios d'aplicación práctica pal despegue de nueves economíes locales agroecolóxiques y diversificaes

17/06/2020

El Gobiernu d'Asturies, al traviés del comisionáu pal Retu Demográficu, empecipió un procesu de collaboración cola Sociedá d'Estudios Vascos Eusko Ikanskuntza para crear una rede esperimental de pequeños pueblos en distintes zones del país qu'impulsen nuevos modelos económicos. Dambes instituciones roblaron un documentu que sienta les bases pa l'aplicación práctica d'acciones que desenvuelvan economíes locales agroecolóxicas y diversificaes nestos territorios.

Les entidaes comparten la so esmolición sobre'l despoblamientu rural y coinciden na necesidá d'atopar alternatives con futuru pa los pequeños pueblos. Dende febreru pasáu, trabayaron en crear un marcu de collaboración pa observar ya investigar de forma conxunta idees y modelos pa los conceyos con baxa densidá d'habitantes.

El primer pasu d'esti procesu de collaboración va consistir n'identificar qué torgues impiden la fixación de población. Pa ello va cuntase con entidaes públiques y privaes y coles comunidaes vecinales d'aldegues que tán trabayando viviegamente na implantación y desenvolvimientu prácticu d'una nueva economía. Eses esperiencies reales van incorporase al proyectu, qu'apuesta por modelos económicos culturales y sociales de desenvolvimientu local que movilicen recursos propios, promuevan nueves actividaes y apuesten por implicase na llucha contra'l cambéu climáticu y a favor de la transición ecolóxica.

La idea ye volver la mirada escontra la xestión comuñal de los bienes y recursos qu’imperó como modelu nes zones rurales y actualizala pa crear una nueva economía de bienestar basada na sostenibilidá ecolóxica, económica y social del territoriu. Nesta propuesta xueguen un papel determinante tanto la población natural como los nuevos residentes. Al tiempu, les alministraciones locales tienen una función clave como promotores d'iniciatives, pa favorecer la gobernanza público-privada, mesmo que pa garantizar infraestructures y equipamientos pa la prestación de los servicios públicos esenciales.

Na llista d'ámbitos qu'apuren reformes tán la vivienda, la fiscalidá, la ordenación del territoriu, les enerxíes anovables, el caltenimientu de la naturaleza y el patrimoniu cultural, la xestión de los montes, l'agricultura de pequena producción, la ganadería y el fomentu agroecolóxicu, ente otros.

La collaboración qu'agora empecipien el comisionúu pal Retu Demográficu y la Sociedá d'Estudios Vascos naz col propósitu de buscar aliances ya incorporaciones per parte d'otres entidaes de naturaleza pública o privada.


Icono gráfico alusivo al tipo de archivo Textu del Conveniu (Pdf: 1 Mb) (n'español)

Información sobre el documento

© Copyright 2006. Gobiernu del Principau d'Asturies