Gobiernu del Principau d'Asturies

Asturies, muncho más cerca

Tas en

Asturias.es Temes Investigación El Gobiernu d'Asturies pide al sistema de ciencia ya innovación ...
 

Investigación

El Gobiernu d'Asturies pide al sistema de ciencia ya innovación rexonal que se movilice para combatir el COVID-19

La Conseyería de Ciencia va habilitar un corréu para recibir les propuestes de personal investigador, centros y empreses. Borja Sánchez anima a científicos y pymes a qu concurran a les convocatories estraordinaries nacionales de financiación

Persona teletrabajando

18/03/2020

El Gobiernu d'Asturies fai un llamamientu al personal científico asturianu y a les empreses innovadores de la comunidá con cuenta de que concurran a les convocatories nacionales que van salir estos díes pa desarrollar proyectos contra'l nuevu coronavirus. La Conseyería de Ciencia, Innovación y Universidá va habilitar dientro poco un corréu electrónicu específicu para pescanciar les iniciatives públiques y privaes que puedan desarrollar prototipos o tean próximes al mercáu para ser tresferíes al ámbitu sanitariu.

El conseyeru Borja Sánchez, plantegó esti pidimientu en calteniendo una xunta por videoconferencia col ministru de Ciencia ya Innovación, Pedro Duque, y representantes del restu de comunidaes de cara a coordinar les actuaciones del ecosistema científicu ya innovador para facer frente al COVID-19.



Les midíes van articulase nos siguientes ámbitos:

Investigación. El Gobiernu central va destinar cuatro millones d'euros al Institutu de Salú Carlos III y al Centru Superior d'Investigaciones Científiques (CSIC) para desenvolver proyectos que se centren nel virus. La financiación va distribuyise de forma rápida pa que nes próximes dos selmanes los grupos beneficiarios cunten yá con fondos. Va ser una convocatoria abierta, a la que van poder concurrir tolos grupos que cumplan los requisitos, y va valorase que los solicitantes cunten tamién con collaboración del sector priváu.

Innovación. El Ministeriu de Ciencia ya Innovación, al traviés del Centru pal Desarrollu Tecnolóxicu Industrial (CDTI), va modificar el fondu de provisiones técniques del programa Cervera para incluyir la financiación de proyectos d'I+D+i empresarial de pymes y empreses de mediana capitalización. Van destinase 500 millones d'euros a ayudes para garantizar la innovación empresarial, con iniciatives que van incluyir l'axilización de convocatories y la contratación de personal d'I+D+i.

Coordinación. El ministeriu solicitó a les comunidaes qu'identifiquen iniciatives nel ámbitu de la investigación, yá seya pública o privada, que tean bien próximes a ser tresferíes al sector sanitariu. “Tamos falando de proyectos de tou tipu, bien seya metodoloxíes, o desenvolvimientu de pilotos o productos, dende vacunes, desinfestantes, mázcares, respiradores… siempre que tean bien próximos al mercáu; esto ye, proyectos que puedan esplotase”, señaló Borja Sánchez.

Para esti postreru apartáu, el departamentu de Ciencia del Gobiernu d'Asturies va habilitar un corréu electrónicu específicu, que se va comunicar nos próximos díes, pa qu'investigadores, grupos, institutos, centros, fundaciones, asociaciones o particulares puedan facer llegar les sos propuestes. La conseyería va encargase de penerar proyectos susceptibles de ser elevaos al ministeriu pa que los derive al ámbitu sanitariu.

“El nuestru oxetivu ye facer frente a la pandemia con tolos nuestros medios” indicó'l conseyeru, qu'anima a tol personal investigador y les empreses innovadores a concurrir a les convocatories de financiación nacionales. “Pidimos la collaboración de toos, tanto nel sector públicu como priváu, y que nos faigan llegar lo que se ta faciendo agora na nuestra comunidá y que pueda sirvir pa lluchar contra'l COVID-19”, añedió Borja Sánchez.


Icono gráfico alusivo al tipo de archivo Audiu (AudiU: 741 Kb) (n'español)

Información sobre el documento

© Copyright 2006. Gobiernu del Principau d'Asturies