Gobiernu del Principau d'Asturies

Asturies, muncho más cerca

Tas en

Asturias.es Temes Cultura La Conseyería de Cultura convoca los premios Emilio Alarcos, ...
 

Cultura

La Conseyería de Cultura convoca los premios Emilio Alarcos, Juan Uría y Muséu Barjola

10/08/2020

 

El Boletín Oficial del Principáu d'Asturies (Bopa) publica güei la convocatoria de los premios Emilio Alarcos, Juan Uría y Muséu Barjola, colos que cada añu la Conseyería de Cultura, Política Llingüística y Turismu pretende fomentar la creatividá lliteraria y plástica, mesmo pa la investigación sobre temática asturiana.

Los trabayos pa optar a los galardones pueden presentase hasta'l 10 de setiembre.

El Premiu Emilio Alarcos de poesía, qu'en 2020 algama la so 19ª edición, concédeser a obres orixinales ya inédites, escrites en castellán y con una estensión mínima de 500 versos. Ta dotáu con 5.200 euros y va poder  partise ente dos obres si'l xuráu lo considera oportunu.

 

El galardón Juan Uría d'investigación premia trabayos inéditos rellacionaos cola cultura asturiana, bien seyan de calter históricu, etnográficu, filolóxicu, musical, o de cualesquier otra temática que fomente la so difusión y promoción. El premiu celebra esti añu la so 37ª edición y ta dotáu con 2.000 euros, que tamién van poder partise ente dos obres si'l xuráu asina lo considera.

 

El Muséu Barjola d'artes plástiques permite escoyer un proyectu espositivu especialmente creáu pa la capiya de la Trinidá, nel Muséu Barjola de Xixón. Na so cuarta edición, ta dotáu con 5.000 euros

Información sobre el documento

© Copyright 2006. Gobiernu del Principau d'Asturies