Gobierno del Principado de Asturias

Asturias, mucho más cerca

Estás en

Aniciu Les empreses beneficiaries d'ayudes a la inversión del Principáu ...
 

Aniciu

Les empreses beneficiaries d'ayudes a la inversión del Principáu incrementaron l'empléu un 26% y la facturación el 31%

Nos 13 años de vixencia del programa aprobáronse 543 proyectos con un desembolsu xeneráu superior a los 1. 400 millones y la creación de más de 2. 500 puestos de trabayu. El conseyeru Isaac Pola destaca que “a tenor de los resultaos esta iniciativa amosóse como una de les palanques de promoción económica más importante y efectiva”

De izquierda a derecha, José Manuel Montes Peón profesor de la Universidad de Oviedo del área de la Empresa; el consejero de Empleo, Industria y Turismo en funciones, Isaac Pola, y la directora general del Idepa, Eva Pando

26/06/2019

El conseyeru d'Empléu, Industria y Turismu, Isaac Pola, presentó esta mañana l' Estudio sobre el impacto de las ayudas a proyectos de inversión empresarial en el Principado de Asturias 2007-2014, realizáu pola Universidá d'Uviéu y que revela que l'empléu netu del conxuntu de les empreses beneficiaries analizaes incrementó un 26% dende un añu antes de recibir l'ayuda hasta 2017. Otramiente, la facturación neta creció un 31%.

Un equipu d'investigadores integráu por José Francisco Baños, del departamentu d'Economía, y Beatriz Fernández, Camilo José Vázquez y José Manuel Montes Peón, del departamentu d'Alministración d'Empreses, realizaron l'analís que s'amosó na sede del Institutu de Desenvolvimientu Económicu del Principáu d'Asturies (Idepa).

Nel actu, Pola fixo balance d'esta llinia de financiación, que xestiona l’depa y que ta destinada a fortalecer al texíu empresarial asturianu y facilitar la inversión granible por aciu el desenvolvimientu de proyectos. “A tenor de los resultaos llograos nel estudiu, esta iniciativa amosóse como una de les palanques de promoción económica más importante y efectiva, yá que consiguió incentivar la inversión y la creación d'empléu”, resaltó'l conseyeru.

Nos 13 años de vixencia de la convocatoria aprobáronse 543 proyectos con una inversión xenerada superior a los 1.400 millones y una creación d'empléu de más de 2.500 puestos de trabayu. Les subvenciones concedíes algamaron los 109,6 millones.

El titular d'Industria recordó que l'estudiu respuende al compromisu del Gobiernu d'Asturies d'ameyorar la eficiencia nes polítiques empobinaes a aguiyar l'actividá económica y, más concretamente, les inversiones granibles del texíu empresarial. Amás, resaltó que “la xestión y el control de les ayudes realizóse con un eleváu grau de profesionalidá y eficacia, d'alcuerdu a les esixencies llegales”.

Pela so parte el profesor Montes Peón, que lideró'l trabayu, esplicó los resultaos alcanzaos poles empreses, qu'esperimentaron crecimientu significativamente positivu nel empléu, la facturación y el valor añedíu brutu. L'estudiu inclúi tamién una encuesta sobre'l destín de les inversiones: el 81% afirma invertir en nuevos productos o desenvolvimientu de nuevos procesos granibles y el 69% failo n'actividaes d'I+D. Respectu al impactu na so capacidá competitiva, el 75% de los empresarios encuestaos considera que l'ayuda ameyoró la so capacidá granible y el 73% que contribuyó de manera importante a consolidar la empresa.

 

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobierno del Principado de Asturias