Gobierno del Principado de Asturias

Asturias, mucho más cerca

Estás en

Aniciu Temes Infraestructures y territoriu Infraestructures nel Principáu Infraestructures inicia la reparación de la carretera que xunta ...
 

Infraestructures nel Principáu

Infraestructures inicia la reparación de la carretera que xunta Fierros y L.lanos de Somerón, en L.lena

23/04/2019

La Conseyería d'Infraestructures, Ordenación del Territoriu y Mediu Ambiente empecipió les obres d’ anovación de la carretera LN-12, que xune Fierros y L.lanos de Somerón, en L.lena. Los trabayos cunten con un presupuestu d'axudicación de 591.347 euros y un plazu d'execución de seis meses.

Les obres consisten fundamentalmente na rehabilitación del firme pa correxir el so deterioru y algamar asina una mayor confortabilidá comodidá y seguridá.

Al tratase d'una vía estrecha, allugada nuna redolada natural con orografía abrupta, va actuase, de común alcuerdu colos vecinos, nes rece curves del trazáu actual consideraes más peligroses, col fin d'aumentar l so radio de xiru y apurrir más anchor a la calzada. D'esta miente, va ameyorase la visibilidá y va facilitase l'encruz ente dos vehículos. Otramiente, el stema de drenaxe, la señalización y l'abalizamientu de la carretera onde seya mester.

Esta actuación súmase a otres que yá tán en marcha nel conceyu, como l'arreglu de les carreteres de Casorvía (LN-10) y Campumanes-Puertu de la Cubiel.la (LN-8) y el saneamientu de Sotiel.lo, que sumen una inversión próxima a los trés millones.

 

Información sobre el documento

© Copyright 2006. Gobierno del Principado de Asturias